قور 2017 جىلدىڭ سوڭىنا دەيىن تاۋارلار مەن قىزمەتتەردى جەتكىزۋشىلەرگە ارنالعان الدىن الا كۆاليفيكاتسيالىق ىرىكتەۋدىڭ مىندەتتى تالاپتارىن ەنگىزەدى.

«الدىن الا كۆاليفيكاتسيالىق ىرىكتەۋ دەگەنىمىز – بىزگە تاۋار جەتكىزەتىن، قىزمەتتەر كورسەتىپ، جۇمىستاردى ورىندايتىن جەتكىزۋشىلەردى تاۋەلسىز باعالاۋ. باعالاۋ كەزىندە ءبىز جەتكىزۋشىلەردىڭ قارجىلىق مۇمكىندىكتەرىن، قولدانىستاعى وندىرىستىك بازاسىن، تەحنولوگيالىق قوندىرعىلارىن، ءتيىستى ەڭبەك پەرسونالىنىڭ دەڭگەيىن جانە حالىقارالىق ستاندارتتاردى ەنگىزۋ دەڭگەيىن تەكسەرەمىز»، – دەيدى «سامۇرىق-قازىنا كونتراكت» جشس باس ديرەكتورىنىڭ ورىنباسارى قاينار تايجانوۆ.

الدىن-الا كۆاليفيكاتسيالىق ىرىكتەۋ شەڭبەرىندە ساتىپ الۋلار كۇردەلىلىگىنە قاراي ءۇش دەڭگەيگە بولىنەدى. ولار ساتىپ الۋ سوماسىنا جانە تاۋاردىڭ نەمەسە جۇمىستىڭ كۇردەلىلىك دەڭگەيىنە بايلانىستى بولادى.

«ءبىرىنشى دەڭگەي – قۇنى 113,5 ميلليون تەڭگەدەن اسپايتىن ساتىپ الۋلار. ەكىنشىسى – ءاۋديتتى قامتيتىن ودان دا كۇردەلىرەك دەڭگەي. ونى تەحنيكالىق رەتتەۋ جۇيەسىندە اككرەديتاتسيادان وتكەن قازاقستاندىق كومپانيالار ىسكە اسىرادى. ءۇشىنشى دەڭگەي – قۇنى 567 ميلليون تەڭگەدەن اساتىن ساتىپ الۋلار. بۇل اۋديتكە حالىقارالىق دەڭگەيدە اككرەديتاتسيادان وتكەن حالىقارالىق ۇيىمدار جۇمىلدىرىلادى»، – دەدى ق.تايجانوۆ.

ناتيجەسىندە، اتالعان تالاپتاردان وتكەن جەتكىزۋشى كومپانيالاردىڭ ءبارى ءۇش جىلعا دەيىنگى مەرزىمگە قوردىڭ جەتكىزۋشىلەر پۋلىنا ەنگىزىلەدى. بۇل كومپانيالارعا تەندەرگە قاتىسۋ ءۇشىن تۇراقتى تۇردە تالاپ ەتىلەتىن قۇجاتتار پاكەتىن جيناۋعا كەتەتىن ۋاقىتتى ۇنەمدەۋگە كومەكتەسەدى.

بيىلعى جىلى «سامۇرىق-قازىنا» قورى الدىن الا كۆاليفيكاتسيالىق ىرىكتەۋ تالاپتارىن كومپانيالار توبىنىڭ بارلىق ساتىپ الۋ وپەراتسيالارىندا پايدالانۋدى جوسپارلاپ وتىر. بۇل قورعا ءوزىنىڭ ساتىپ الۋلار جۇيەسىن ستاندارتتاۋعا جانە وڭتايلاندىرۋعا مۇمكىندىك بەرەدى. ال، جەتكىزۋشى كومپانيالار ءۇشىن دۇرىس باسەكەلەستىك ورتا قالىپتاستىرادى.

اباي-اقپارات