تەرگەۋ نۇسقاسى بويىنشا، ۇستالعان كۇدىكتىلەر 2015 جىلدىڭ قاراشاسىنان باستاپ وسى ۋاقىتقا دەيىن ورتالىق ازيا رەسپۋبليكالارىنان كەلگەندەردى تەرروريستىك قىلمىستار جاساۋعا ۇگىتتەپ، "دجەبحات ان-نۋسرا", "يسلام مەملەكەتى" تەرروريستىك ۇيىمدارىنا تارتقان. بۇعان قوسا، ولار ادامداردى باسقا دا زاڭسىز قارۋلى قۇرىلىمدارعا تارتۋعا تالپىنعان.

قازىرگى تاڭدا ولاردى قاماۋدا ۇستاۋ جانە ايىپ تاعۋ ماسەلەلەرى شەشىلىپ جاتىر، دەلىنگەن رف تەرگەۋ كوميتەتىنىڭ حابارلاماسىندا.

بۇعان دەيىن كوميتەت پەتەربۋرگ مەتروسىنداعى ۆاگوندى 1995 جىلى تۋعان رەسەي ازاماتى اكبارجون دجاليلوۆ جاسادى دەپ حابارلاعان ەدى. مەتروداعى جارىلىس 3 ساۋىردە تىركەلدى. شابۋىلدان 14 ادام قازا تاپتى، 55 ادام جارالاندى.

اباي-اقپارات