اقپارات جانە كوممۋنيكاتسيالار مينيسترلىگى ۆۆس كورپوراتسياسىمەن مەموراندۋم جاساستى، - دەپ حابارلايدى اباي-اقپارات.

قازاقستان رەسپۋبليكاسى اقپارات جانە كوممۋنيكاتسيالار ءمينيسترى داۋرەن اباەۆ ۇلىبريتانيا مەن سولتۇستىك يرلانديانىڭ بىرىككەن كورولدىگىنە جۇمىس ساپارى بارىسىندا ۆۆس Worldwide باسشىلارى شون و حارا جانە سەرگەي ستانوۆكينمەن كەزدەستى.

تاراپتار ەكىجاقتى ىنتىماقتاستىقتىڭ بولاشاعى مەن بىرلەسكەن جوبالاردى جۇزەگە اسىرۋ مۇمكىندىگىن تالقىلادى.

كەزدەسۋ ناتيجەسىندە قازاقستان رەسپۋبليكاسى اقپارات جانە كوممۋنيكاتسيالار مينيسترلىگى مەن ۆۆس Worldwide كورپوراتسياسى اراسىنداعى مەموراندۋمعا قول قويىلدى.

مەموراندۋم اياسىندا رەداكتسيالىق جوسپارلاردى الماسۋعا باعىتتالعان بىرلەسكەن جوبالاردى ىسكە اسىرۋ،  دوڭگەلەك ۇستەلدەر وتكىزۋ، ۇلتتىق جانە ايماقتىق باق ءۇشىن لەكتسيالار ۇيىمداستىرۋ، سونىمەن قاتار قازاقستاننىڭ تۋريستىك جانە ينۆەستيتسيالىق الەۋەتىن ىلگەرىلەتۋ جوسپارلانعان.

سونىمەن قاتار، مەموراندۋمدا نەگىزگى باعىتى تسيفرلىق ەفيرلىك حابار تاراتۋعا كوشۋ اياسىندا قازاقستاندىق تەلەارنالاردىڭ تەحنيكالىق دامۋى بويىنشا بىرلەسكەن كەڭەس بەرۋدى جۇرگىزۋ، اقپارات مەن تاجىريبە الماسۋ بولىپ تابىلاتىن جۇمىس توبىن قۇرۋ قاراستىرىلادى.

انىقتاما رەتىندە: ۆۆس كورپوراتسياسى 1920 جىلى قۇرىلعان، قازىرگى تاڭدا باق سالاسىنداعى جاھاندىق كوشباسشى مەدياكورپوراتسيالارىنىڭ ءبىرى بولىپ تابىلادى.

اباي-اقپارات