استانادا قر مادەنيەت جانە سپورت ءمينيسترى ارىستانبەك مۇحامەديۇلىنىڭ شانحاي ىنتىماقتاستىق ۇيىمىنىڭ باس حاتشىسى راشيد اليموۆپەن كەزدەسۋى ءوتتى، - دەپ حابارلايدى مينيسترلىكتىڭ ءباسپاسوز قىزمەتى.

كەزدەسۋ بارىسىندا تاراپتار شىۇ مۇشە مەملەكەت باسشىلارىنىڭ ءسامميتىن وتكىزۋ جانە استانا قالاسىندا ەكسپو-2017 حالىقارالىق مامانداندىرىلعان كورمەسىن اشۋ اياسىندا ورتاق مادەني جانە سپورت شارالارى جوسپارىن تالقىلادى.

اڭگىمە بارىسىندا تاراپتار مادەني-گۋمانيتارلىق ىنتىماقتاستىق دامۋ اياسىندا ەكىجاقتى قارىم-قاتىناستاردىڭ جوعارعى دەڭگەيىن اتاپ ءوتتى.

شىۇ باس حاتشىسى قازاقستاننىڭ توراعالىعىمەن وتەتىن الداعى شىۇ ءسامميتىن شىۇ مۇشە مەملەكەتتەرى قۇرامىنىڭ كەڭەيۋى مەن ءۇندىستان، پاكىستان مەملەكەتتەرىنىڭ ۇيىم قۇرامىنا كىرۋ اياسىندا تاريحي وقيعا ەكەندىگىن اتاپ ءوتتى.

«مادەنيەت وڭ ساياسي شەشىمدەر قابىلداۋعا يگى اسەر ەتىپ، ەل بىرلىگىنىڭ نىعايۋىنا سەبەپ بولىپ، ادامدار اراسىنداعى ىنتىماقتاستىقتى بەكىتەدى. استانا ءسامميتىنىڭ قورىتىندىسى شىۇ حالىقارالىق ارەناداعى ورنىن ايقىنداي ءتۇسىپ، ءبىزدىڭ ەلدەر اراسىنداعى ءوزارا ءتيىمدى جانە كوپجوسپارلى مادەني ىنتىماقتاستىققا ءوز اسەرىن تيگىزەدى دەگەن سەنىمدەمىن» - دەپ اتاپ ءوتتى راشيد اليموۆ.

ءوز كەزەگىندە ا. مۇحامەديۇلى شانحاي ىنتىماقتاستىق ۇيىمى الەمدەگى سەرپىندى دامىپ كەلە جاتقان ايماقتىق بىرلەستىكتەردىڭ ءبىرى ەكەندىگىن اتاپ ءوتتى.

«ءبىزدى شىۇ-نىڭ مادەني باعىتىنىڭ دامۋى قۋانتادى. قاۋىپسىزدىك، ساۋدا جانە كوممۋنيكاتسيامەن قاتار، مادەنيەت تە ۇيىم قىزمەتىنىڭ ماڭىزدى باعىتتارىنا اينالىپ كەلە جاتىر. وعان شىۇ مۇشە مەملەكەتتەردىڭ ۇكىمەتتەرى اراسىنداعى مادەنيەت سالاسىنداعى ىنتىماقتاستىق تۋرالى كەلىسىمدەرى اياسىندا (كەلىسىم شەڭبەرىندەگى ءداستۇرلى ەكىجىلدىق ءىس-شارالار جوسپارلارى، سونداي-اق شىۇ مادەنيەت مينيسترلەرىنىڭ جىل سايىنعى جيىنى) ءبىزدىڭ مەملەكەتتەردىڭ بەلسەندى قىزمەتىنىڭ دالەلى بولا الادى» - دەپ اتاپ ءوتتى قازاقستاندىق ۆەدومستۆا باسشىسى.

اڭگىمە بارىسىندا اتاپ وتىلگەندەي،  ۇيىمعا مۇشە مەملەكەتتەر اۋماعىندا مادەنيەت پەن وركەنيەت سۇقباتىنا، تاجىريبە مەن ءبىلىم الماسۋعا سەپ بەرەتىن مۋزىكا، بەينەلەۋ ونەرى جانە ساندىك-قولداڭبالى شىعارماشىلىق سالاسىندا جىل سايىن ءىس-شارالار وتكىزەدى. مادەنيەت سالاسىنداعى ۇلكەن الەۋەت مەملەكەتتەرگە  كينەماتوگرافيا، ارحيۆ، مۋزەي جانە باسپا ءىسى، باسپا ءونىمى تۋىندىلارىن اۋدارۋ، كىتاپ كورمە-جارمەڭكەلەرىن وتكىزۋ سالالارىنداعى جۇمىستى جانداندىرۋعا مۇمكىندىك بەرەدى.

شانحاي ىنتىماقتاستىق ۇيىمىنىڭ باس حاتشىسى قر مادەنيەت جانە سپورت مينيسترلىگىنىڭ شىۇ مۇشە مەملەكەتتەر مينيسترلەرىنىڭ 14-جيىنىنا، استانادا الداعى سامميت شەڭبەرىندە وتەتىن شىۇ مۇشە مەملەكەتتەردىڭ ونەر فەستيۆالىنە دايىندىعىنىڭ بەلسەندىلىگىن اتاپ ءوتتى. شىۇ باس حاتشىسى مەن قازاقستاننىڭ مادەنيەت جانە سپورت مينيستر ەكسپو-2017 بارىسىندا شىۇ كۇندەرى اياسىندا شىۇ كەزەكتى مارافونىن وتكىزۋ جانە ۇيىمداستىرۋ مۇمكىندىگىن تالقىلادى.

اباي-اقپارات