"قازنەت" قولدانۋشىلارى بيىلعى جىلدىڭ باستى مەرەيتويى بولىپ جاريالانعان قازاق حاندىعىنىڭ 550 جىلدىعىن اتاپ وتۋگە ارنالعان ءىس-شارالاردىڭ باستى ەن-تاڭباسىنا قاتىستى تاڭدانىستارىن جاسىرمادى. اتاپ ايتقاندا، مەرەكەلىك جىلدىڭ باستى نىشانى بولىپ تابىلاتىن سۋرەت ەسكيزدەرى ەلىمىزدىڭ مەملەكەتتىك تۋىنىڭ بوياۋى وزگەرگەن ساپاسىز كوشىرمەسى رەتىندە باعالانۋدا.

ال، لوگوتيپ اۆتورى تاراپىنان ايتىلعان سىنعا قاتىستى جاۋاپ بەرىلگەن جوق.

ەسكە سالا كەتەيىك، قازاق حاندىعىنىڭ 550 جىلدىعىنىڭ باستى تاڭباسى بولىپ تاڭداپ الىنعان نۇسقانىڭ اۆتورى قر ۇلتتىق مۋزەيى ديرەكتورىنىڭ ءبىرىنشى ورىنباسارى الماس نۇرازحان بولاتىن. ونىڭ جۇمىسى 14 اۆتوردىڭ ەڭبەگى اراسىنان توپ جارىپ، 365 مىڭ تەڭگەلىك جۇلدە قورىن جەڭىپ العان ەدى.

اباي.kz