موناكودا وتكەن جەكپە-جەك بارىسىندا ءوزىمىزدىڭ گەنا گولوۆكينىمىز كاسىپقوي بوكسشىلار اراسىندا ورتا سالماق بويىنشا ۋاقىتشا الەم چەمپيونى، بريتاندىق مارتين ميۋررەيدى تاس-تالقان ەتىپ جەڭگەننەن كەيىن اتى اڭىزعا اينالعان اتاقتى مايك تايسونمەن تەڭەستى. قارسىلاستارىن قاتارىنان نوكاۋتقا ءتۇسىرۋ ەسەبى بويىنشا.

ەسىمىزگە الا كەتەتىن بولساق، «تەمىر تايسون» قاتارىنان ون توعىز رەت جاساعان نوكاۋت رەكوردىن بۇگىنگى كۇنگە دەيىن بىردە-ءبىر الەم بوكسشىسى قايتالاي الماسا، سول رەكوردتىق كورسەتكىشتى «اكەم ورىس، شەشەم كارىس، ال مەن ءوزىم قازاقپىن» دەپ ايتۋدان ەشقاشان شارشاماعان قازاقستاندىق بوكسشى گەننادي گولوۆكين بۇزدى. دۇنيەنىڭ قاي بۇرىشىندا رينگكە شىقسا دا، ۇستىنەن قازاقتىڭ ۇلتتىق شاپانىن شەشىپ كورمەگەن گەننادي اۋەسقوي بوكستا 350, كاسىبي بوكستا 33 كەزدەسۋ وتكىزىپ، سونىڭ بىردە-بىرىندە نوكاۋت الىپ كورمەگەن ەكەن. البەتتە، كاسىبي بوكستا بۇگىنگى كۇنگە دەيىن بىردە-ءبىر رەت جەڭىلىپ تە كورگەن جوق.

قازاق ەلىنىڭ كوك بايراعىن جەلبىرەتە بەرگەيسىڭ، گەنا! قازاق ەلى قاشاندا سەنىمەن بىرگە!

مارات قابدەشۇلى.

اباي.kz