ەلىمىزدەگى وتباسىلاردىڭ 16 پايىزى بالا ءسۇيۋ باقىتىنا قول جەتكىزە الماي وتىر ەكەن. ماماندار ونىڭ نەگىزگى سەبەپتەرىنىڭ ءبىرى - ەركەكتەردىڭ رەپرودۋكتيۆتىك پروبلەمالارى بولىپ تابىلادى دەيدى.

استانادا قر مەملەكەتتىك حاتشىسى گۇلشارا ابدىقالىقوۆانىڭ توراعالىعىمەن قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسىندا وسىنداي وزەكتى ماسەلە ءسوز بولدى. ء وتتى. وتىرىستا ۇلتتىق كوميسسيا مۇشەسى، «ۇلتتىق نەيروحيرۋرگيا ورتالىعى» اق ديرەكتورلار كەڭەسىنىڭ توراعاسى بەكسۇلتان تۇتقىشەۆتىڭ ايتۋىنشا، قر كونستيتۋتسياسىنىڭ 27-بابى انا مەن بالانىڭ، سونىمەن قاتار əكەنىڭ دەنساۋلىعىنا كەپىلدىك بەرەدى. «انا مەن بالا دەنساۋلىعىن ساقتاۋدا ءبىز ۇلكەن جەتىستىكتەرگە جەتسەك تە، وكىنىشكە قاراي، ەر ادامنىڭ، ياعني əكەنىڭ دەنساۋلىعىن ساقتاۋداعى كونستيتۋتسيالىق نورما بۇگىنگى كۇنگە دەيىن ءوز شەشىمىن تابا الماي كەلە جاتىر»، - دەپ اتاپ ءوتتى ول. ببىلتىر بىرقاتار تالقىلاۋلاردان كەيىن العاش رەت ەر ادامداردىڭ دەنساۋلىق مəسەلەسى ءوز دەڭگەيىندە كوتەرىلدى. سونىڭ نəتيجەسىندە بىلتىر دەنساۋلىق ساقتاۋ جəنە əلەۋمەتتىك دامۋ مينيسترلىگى ەمحانالار جانىنان اندرولوگيالىق كابينەتتەر اشۋ تۋرالى بۇيرىققا قول قويدى. «ياعني، بۇگىندە دەنساۋلىق ساقتاۋ تۋرالى كونستيتۋتسيالىق نورمانى جۇزەگە اسىرۋ قولعا الىندى. ەر ادامدار اراسىنداعى ءولىم-ءجىتىمنىڭ جوعارى كورسەتكىشى جəنە باسقا دا مəسەلەلەر تۋرالى ءبىز جاقسى بىلەمىز. سوندىقتان بۇل ءوز ۋاقىتىندا قولعا الىنعان شارا دەپ ويلايمىن. ەندى 5-10 جىلدان كەيىن جاعداي تۇراقتانادى دەگەن ۇمىتتەمىز»، - دەيدى ب.تۇتقىشەۆ.

 اباي-اقپارات.