2015 جىلدىڭ 19 ناۋرىزىندا الماتىدا العاشقى ستارتاپ-تۋر  باستالدى

2015 جىلدىڭ 19 ناۋرىزىندا الماتىدا قازاقستاننىڭ ءار تۇكپىرىنەن 500 –دەن اسا ىسكەر جاستار مەن عالىمداردىڭ باسىن قوسقان ستارتاپ-تۋر بولدى.  ستارتاپ-تۋردى  سالتاناتتى تۇردە اشۋ ءۇشىن العاشقى ءسوز قر ينۆەستيتسيا جانە جوسپارلاۋ ءمينيسترى ا.و. يسەكەشەۆكە بەرىلدى.

ا. و. يسەكەشەۆ، قر ينۆەستيتسيا جانە جوسپارلاۋ ءمينيسترى: 

- قازاقستاندىق ستارتاپشىلار ءۇشىن بينەستى دامىتۋ جولىندا بۇگىنگى جيىننىڭ تيگىزەر پايداسى زور.  بۇگىن «سكولكوۆو» قورى الماتىدا  ستارتاپ-تۋر وتكىزۋدە. ماۋسىم ايىنىنىڭ 2- 3 كۇندەرى سكولكوۆودا  Startup Village- دا باس قوسامىز.  وسى جىلى ءبىز  كرەمني ايماعىندا  بىرنەشە ستارتاپ وتكىزۋدى جوسپارلاپ وتىرمىز. بۇگىنگى باستى جوسپارىمىز –ورتالىق  ازياداعى يننوۆاتسيالىق باعىتتاردىڭ كوشباسشىسى بولۋ. ەلىمىز بۇل يننوۆاتسيالىق بيزنەستىڭ دامۋىنا ءوز قولداۋىن كورسەتىپ كەلەدى، الداعى ۋاقىتتا دا كورسەتە بەرمەك. وسى ماقساتتا بۇگىنگى جيىننان  الماتىدا قۋاتتى بيزنەستىڭ ىرگە تاسىن قالايتىن مىقتى ستارتاپشىلار قالىپتاسادى دەگەن ۇمىتتەمىن».

 ۆاسيلي بەلوۆ, «سكولكوۆو» قورىنىڭ يننوۆاتسيالار جونىندەگى اعا ۆيتسە-پرەزيدەنتى:

- ءبىز ءۇشىن وسىنداي قوناقجايلىلىقتى سەزىنىپ، وسى جيىنعا قاتىسۋ ۇلكەن مارتەبە. «سكولكوۆو» قورى قازاقستاندىق ارىپتەستەرىمىز ءۇشىن كومەك قولىن سوزۋدان ەشقاشان ايانعان ەمەس. بۇگىنگى ستارتاپقا قاتىسۋشىلاردىڭ بارلىعىن شىعىس ەۋروپاداعى ەڭ ۇلكەن ماسشتابپەن وتەتىن ماسكەۋدەگى  StartUp Village كونفەرەنتسياسىنا شاقىرامىز. وندا  400 دەن اسا شەت ەلدىك ەنشىلەس قور وكىلدەرى كەلەدى دەپ كۇتىلۋدە. بۇل دەگەنىمىز كوپتەگەن ساياسي فاكتورلارعا قاراماستان العا ۇمتىلۋدى كورسەتەدى.

ا.ب. قوجاحمەتوۆ، Almaty Management University رەكتورى:

- ىسكەرلىك جانە يننوۆاتسيالىق دامۋ بۇل شەكتەۋسىز قۇرىلىم، سوندىقتان ءبىز  سكولكوۆونىڭ ۇسىنىسىن قۋانا قابىلدادىق. Almaty Management University ءۇشىن  سكولكوۆو –تاجىريبەنىڭ باستى قاينار كوزى . ستارتاپ-تۋر يدەيالارىنا  العىسىمىز شەكسىز. ء بىز بۇگىنگى ءوتىپ جاتقان  جيىننىڭ قازاقستان مەن رەسەي اراسىنداعى يننوۆاتسيالىق دامۋدى ودان ارى دامىتاتىنىنا سەنەمىز. بارلىقتارىڭىزعا ساتتىلىك تىلەيمىن!

جيىننىڭ ءبىرىنشى كۇنىندە  Almaty Tech Garden باس ديرەكتورى  س.ۋ. كەتتەبەكوۆ  «قازاقستان رەسپۋبليكاسىنداعى تەحنولوگيالىق كاسىپكەرلىكتى قولداۋ باعدارلامالارى»  تاقىرىبىندا ماستەر كلاسس وتكىزىپ،  باسەكەلەستىككە قابىلەتتىلىك تۋرالى سۇراقتارعا جاۋاپ بەردى.

س.ۋ. كەتتەبەكوۆ: 

- يننوۆاتسيالىق جۇيەلەر  عالامدىق  جۇيە، ء بىزدىڭ «سكولكوۆوعا» باراتىن ستارتاپشىلارىمىز ،  الدىمەن ەۋروكەڭەس نارىعى مەن ورتاق نارىقتا قالاي جۇمىس ىستەۋ كەرەگىن ۇيرەنۋى كەرەك. بۇگىنگى تاڭدا،  بۇل الەمدىك ماسەلە بولىپ سانالادى. نارىق جۇيەسى اشىلىپ، جاقسى جۇمىس ىستەۋدە. بىراق، بۇل بىزگە باسەكەلەس  بەلورۋستىق  كومپانيانىڭ الەمدىك دەڭگەيدە باسەكەلەس بولىپ قالادى دەگەندى بىلدىرمەيدى  

ءبىلىم بەرۋ شەڭبەرى اياسىنداعى «سكولكوۆو» ماماندارى «لۋچشيە پراكتيكي روسسي ي كازاحستانا پو پريۆلەچەنيۋ ستۋدەنتوۆ ي مولودىح ۋچەنىح ك تەحنولوگيچەسكومۋ پرەدپرينيماتەلستۆۋ ي كوممەرتسياليزاتسي رەزۋلتاتوۆ ناۋچنو-يسسلەدوۆاتەلسكوي دەياتەلنوستي» تاقىرىبىندا  دوڭگەلەك ۇستەل وتكىزدى.

ەكاتەرينا موروزوۆا, سكولكوۆو ۋنيۆەرسيتەتىنىڭ اتقارۋشى ديرەكتورى  (وتۋس):

- ء بىزدىڭ بۇگىنگى سەرىكتەستەرىمىز Microsoft, Cisco,  SAP, روسنانو  جانە ت.ب. ء بىز بۇل سالادا ولارمەن تەڭدەسە الامىز. بۇل باعدارلاما اياسىندا وسى جىلى ءبىز ماسكەۋ مەديتسينالىق ۋنيۆەرسيتەتىمەن ارىپتەستىك بايلانىس ورناتتىق. كەلەسى باعدارلاما 500 دەن اسا ستۋدەنت وقىپ ۇيرەنگەن  Pharma school دەپ اتالادى.  وسى جىلى بۇل باعدارلامانى ستۋدەنتتەر مەن قاتار ماگيسترانت،  اسپيرانتتار  جانە سونداي –اق  جاس عالىمدار دا وقۋدا.  سونداي تاعى ءبىر باعىت- - حاكاتوندى تەكسەرۋ.  بۇگىنگى بوتۋس جانە  يت-كلاسەردىڭ  جيىنىنىڭ «سكولكوۆو»، - «روبونوچ»  دەپ اتالاتىن باعدارلاماسىنىڭ دا  ۇلەسى زور.

سونداي-اق بۇگىن تەحنولوگيالىق جوسپارلاۋدى دامىتۋدىڭ جولدارى جايلى تاجىريبەلى ەكسپەرتتەرمەن   باسقوسۋ بولدى. وندا جاس كاسىپكەرلەردىڭ تەحنولوگيالاردى قالاي ىسكە اسىرۋ جانە قارجىلاندىرۋ، ونى ىسكە اسىرۋ جولدارى جايلى ءسوز بولدى

الماتىداعى ستارت اپ تۋردىڭ ەكىنشى كۇنى كونكۋرستىق شارالارعا ارنالادى. ياعني ءار توپ، قاتىسۋشىلار مەن ساراپشىلار وزدەرىنىڭ جاڭا يدەيالارى مەن يننوۆاتسيالىق دامۋدىڭ جوسپارلارىن  تانىستىرىپ، وعان ساي جەڭىمپازدار انىقتالىپ، ورىندار تاعايىندالاتىن بولادى.

اتاۋلى جوبالار جايلى تومەندەگى سىلتەمە ارقىلى كورۋگە بولادى: https://rst.startupvillage.ru/almatypart/ru/

اباي-اقپارات