قر پرەزيدەنتتىگىنە كانديدات ن.ءا.نازارباەۆقا

«نۇر-وتان» پارتياسى توراعاسىنىڭ ورىنباسارى ب.ق.بايبەككە

                  «اق جول» پارتياسىنىڭ توراعاسى ا.پەرۋاشەۆكە

                  پاۆلودار وبلىسىنىڭ اكىمى ك.بوزىمباەۆقا

پاۆلودار وبلىسىنىڭ پروكۋرورى م.ا.جورگەنباەۆكە

                  وبلىستىق ۇقك باسشىسى ن.ن.نۋرسيپاتوۆقا

                  تاۋەلسىز باق وكىلدەرىنە

اشىق حات

سىزدەرگە پرەزيدەنت سايلاۋى الدىنداعى كەرەكۋ قالاسىنداعى قوعامدىق احۋالى جونىندە ايتپاقپىن.

1.گەورگي لەنتاسى. تاريحتان بەلگىلى، لەنتانىڭ 1941-45 جج. ەكىنشى دۇنيەجۇزىلىك سوعىسقا ەش قاتىسى جوق. سوندىقتان دا قازاقستان مەن بەلارۋس سول كەزدە كەڭەس يمپەرياسىنىڭ قۇرامىندا بولعاندىقتان، اكەلەرىمىز بەن اتالارىمىزدىڭ سول سوعىسقا قاتىسقاندىعىنىڭ بەلگىسى رەتىندە ارنايى سيمۆوليكا بەكىتىلدى. بۇعان سەبەپ بولعان، 18 عاسىرلاردان باستالعان «زا پوحودى ۆ تسەنترالنۋيۋ ازيۋ»، «زا ۆزياتيە گ.چيمكەنتا»، «زا حيۆينسكي پوحود»، «زا پوكورەنيە حانستۆا كوكاندسكوگو»، «زا وتليچيە نا كاۆكاز ي ۆزياتيە شتۋرموم كرەپوستي گەوك-تەپە»،«گەورگيەۆسكي كرەست»، «وردەن سۆياتوگو گەورگيا پوبەدونوستسا» وردەندەرى وسى لەنتاعا بەكىتىلەتىن بولعان. ءوز بابالارىمىز كەنەسارى حاننىڭ، يساتاي مەن ماحامبەتىڭ، كاۆكازداعى شامىلدەردىڭ (ت.س.) ۇلت-ازاتتىق  كوتەرىلىستەرىن جانشىپ وتىرعاندارعا بەرىلگەن.

سول لەنتا يمپەريالىق زاماندى كوكسەيتىن ءورىستىلدى باق-تىڭ ۇسىنىسىمەن 2006 جىلدان باستاپ رەسەي مەملەكەتىندە جەكە قولدانىسقا ەنگىزىلىپ، ءسال كەيىن ءبىزدىڭ ەلدە دە تاراتىلا باستادى. قازىرگى ينتەرنەت جۇيەسى ارقىلى حالىق كوپ جاعدايلارعا قانىق. وسىنى بىلگەن قازاق، وزبەك، ۇيعىر، باسقا دا ورتالىق ازيا حالىقتارى، كاۆكازدىقتار، ۋكراينالىقتار، باسقا ۇلت وكىلدەرى جاپپاي ساتىلىپ جاتقان وسى لەنتالارعا قاتتى نارازى. قازىرگى سوعىس جاعدايىندا بۇل لەنتا ۋكراينا ءۇشىن دە باسقىنشىلىقتىڭ سيمۆولى بولىپ وتىر. بۇل لەنتانى تاراتۋ – ەل ىشىندەگى تىنىشتىقتى بۇزىپ، ارانداتۋ. كەڭەس ۋاقىتىنىڭ وزىندە 9 مامىردا الاڭعا شىققان ارداگەرلەر تەك وردەن-مەدالدارىن، نە ونىڭ ورنىنا پلانكىلەرىن تاعىپ شىعاتىن. ەشكىمنىڭ لەنتا تاققانىن كورگەمىز جوق.

بۇندايدى قاداعالاپ، كەلەڭسىز جايتتاردىڭ الدىن الىپ وتىرۋ مىندەتى جۇكتەلگەن پاۆلودار وبلىسى ىشكى ساياسات باسقارماسى قول استىنداعى باق-تارعا 15.04.2015 ج. ەگەمەن قازاقستاندا ۇكىمەت بەكىتكەن مەملەكەت سيمۆوليكاسىنداعى لەنتانى بولسا دا (وكىنىشكە قاراي، وندا دا گەورگي لەنتاسى، بەلگىسىز سەبەپپەن بەلگىلەنگەن؟) ناسيحاتتاۋعا جول بەرمەي وتىر. بۇل جونىندە اكىمشىلىك گازەتتەرى جشس «ەرتىس مەديا» باسشىسى نەۆولين: ء«سىز كوپەنوۆ مىرزامەن (وبل. ىشكى ساياسات) سويلەسىڭىز» دەپ وتىر. ال، ول كىسى مەنى وسى ۋاقىتقا دەيىن بىردە-ءبىر رەت تە قابىلداعان ەمەس. ورىنباسارى ر.شامكەنقىزى قاراستىرامىز دەپ قويادى. ەندى ونى سارىلىپ كۇتۋ كەرەك. سول سەبەپتەن دە ماعان كوپەنوۆ مىرزانىڭ تىرلىگى باق ارقىلى ەش اقپارات تاراتپاي، مەملەكەت سيمۆوليكاسىنداعى لەنتانى ناسيحاتتاماي، وبلىستاعى، قالاداعى بولۋى مۇمكىن كەلەڭسىزدىكتەرگە جول بەرىپ قويىپ قاراپ وتىرۋدىڭ ايلاسى ما دەگەن وي كەلەدى.

بۇل ماسەلەدە ەڭ باستى ماسقارا – مەملەكەت 9 مامىرعا ارنالعان ءوز سيمۆوليكاسىن بەكىتسە دە، گەورگي لەنتاسىنا ەش توسقاۋىل قويماۋىندا. ماعىنا جاعىنان: ءبىر لەنتا ەلىمىزدىڭ كوگىلدىر رامىزدەرى تۇستەس، پاتريوتتىقتى ناسيحاتتايتىن بولىپ ەسەپتەلسە، باسقاسى، كوزى اشىق قوعامعا، رەسەيدىڭ وتارلاۋداعى باسقىنشىلىعىمەن ۇشتاساتىن سيمۆولى رەتىندە قابىلدانۋدا. 

2.ءتىل ماسەلەسى. قالامىزدىڭ قازاق ءتىلىنىڭ ماسقارا جاعدايىنا از دا بولسا دەمەۋ كورسەتپەككە كۋتۋزوۆ كوشەسىندە تۇرعان بوس بيلبوردقا (الدىندا «زدەس موجەت بىت ي ۆاشا رەكلاما» دەگەن جازۋى بولعان), تىلدەر زاڭىنان: «قازاق ءتىلىن ءبىلۋ - قازاقستان رەسپۋبليكاسى ازاماتتارىنىڭ پارىزى» دەگەندى بىرنەشە ازامات بىرىگىپ قويايىق» دەگەنىمدە، ر.شامكەنقىزىنان: «ول ءبىزدىڭ قۇزىرەتىمىزدە ەمەس، بىراق، سەن كىم ەدىڭ سونى قوياتىن؟» دەگەن جاۋاپ الدىم. سول بيلبوردكە قارسى، كوشەنىڭ ارعى بەتىندە ەرتەلى-كەش ورىس تىلىندە ارنەنى جارنامالايتىن بيلبورد تۇر. پاۋزالارى تەك ورىسشا مۋزىكامەن تولتىرىلعان! قالادا كوپ جەردە تۇر سونداي بيلبوردتار. قازاقشا جارناما 10 پايىزدان اسپايدى. قازاقشا اندەر ەشقاشان بولعان ەمەس!

3. مەملەكەت زاڭى ورىندالماۋدا. وسى جايتتار تۋرالى وبلىس اكىمشىلىگىنە حابارلاسساق، حاتشى ادەتتەگىدەي تەك ورىس تىلىندە جاۋاپ بەرەدى. سەنىم تەلەفوندارى «گورياچايا لينيا»، بارلىعى ورىس تىلىنەن باستالادى. كوپ جاعدايدا سول تىلمەن بىتەدى دە. قابىلدانۋىنا جازىلايىن دەسەك، تاعى سولاي، سوسىن نە ايتاسىڭ، بارلىعىن تاپتىشتەپ جازباشا جازۋ كەرەك دەيدى. بارلىعىنا ۋاقىت جەتىسپەيتىنى بەلگىلى. بلوگىنا جازايىن دەسەم، ساناتتى تاڭداۋعا كەلگەندە كۋرسوردى قويا المايتىنداي بۇعاتتاپ تاستاعان. الەۋمەتتىك ماسەلەلەر بويىنشا ورىنباسارلارىمەن بۇرىنعى اكىمدەردىڭ كەزىندە دە، قازىر دە ەش حابارلاسۋعا مۇمكىندىك بولماعان. حاتشىلارى تەك: ءىسساپاردا، جيىلىستا، كەيىنىرەك حابارلاسىڭىز; كەيىنىرەك حابارلاسساق: «ول جاڭا عانا شىعىپ كەتتى»، «ۋاقىتى بولماي تۇر»، ت.س.س. جاتتاندى جاۋاپتاردى ايتادى.

جەرگىلىكتى بيلىك، اكىمدىكتەر ۇلتشىل (بىزدىڭشە، ۇلتشىل - مەملەكەتشىل، پاتريوت دەگەندى بىلدىرەدى، باسقا ۇلتتاردى وزەكتەن تەپكەندەردى ەمەس) ازاماتتارعا قارسى بىلاي تۇرىپتى، كونستيتۋتسيادان باستاپ مەملەكەت زاڭدارىنا، قازاقستان حالقىنىڭ مۇددەسىنە قارسى جۇمىس جاساپ جاتقانداي. وسىنداي بيلىكپەن ارقاسىن بۇرىككەندەر، «يديتە، پاسيتە سۆويح بارانوۆ نا كازاحسكوم يازىكە، سكورو ەتو بۋدەت روسسيسكايا تەرريتوريا» دەگەن سىندى سوزدەردى ايتۋعا ەش قىمسىنبايدى. تىلدەر باسقارماسىنىڭ ورىنباسارى ء«بىز كىم كورىنگەنگە جۇگىرە بەرمەيمىز» دەيدى. ونىسىمەن قويماي،  قازاق ءتىلىنىڭ قارسىلاستارىنا، كەرىسىنشە، مەنىڭ اتىما شاعىم ءتۇسىرۋدى ۇيرەتەتىن بولعان سوڭ ولارعا جازبايتىن بولدىم. پوليتسيا، شاعىمدانساڭ، كەرىسىنشە ءوزىڭدى سوتتاۋعا جۇگىرەدى (ويتكەنى، قىزمەتكەرلەرى 90 پايىز قازاق بولسا دا، ولاردى دا قازاق تىلىمەن «قاجىتامىن»). قازاقشا سويلەگەندەردىڭ ەستيتىن سوزدەرى: «ۆام چتو، ۋكراينۋ ۋسترويت چتو-لي، پاۆلودار، ا تو موجەت ي ۆەس كازاحستان وتتياپات».  بۇل دا جوعارىدا ايتىپ كەتكەندەي، ەشكىمگە قازاقشا ءسوز ەستىرتپەيتىن جەرگىلىكتى اكىمشىلىكتەردىڭ «تاربيەسى».

پرەزيدەنت سايلاۋىنىڭ الدىنداعى كەرەكۋدەگى جاعداي – وسى. باسقا دا سولتۇستىك وڭىرلەر وسىدان «الىسقا ۇزاي قويماعانىن» توپشىلاعاندىقتان دا، نازارلارىڭىزدى اۋدارىپ، مەملەكەتىمىزدە، كەرەكۋ قالاسىندا وسىنداي ورەسكەل احۋالدىڭ بولماۋىن قاداعالايسىزدار، سۇراقتارىمىزعا جاۋاپ بەرەسىزدەر دەگەن ۇمىتپەن كەزەكتى رەت اشىق حات جازىپ وتىرمىز.

قۇرمەتپەن،

بەيسەنباي تەگى ر.ز.، «جەلتوقسان اقيقاتى» رقب

نۇرباەۆ ق.ج.، تاريح ع.د.، پروفەسسور

تىلەۋباي ج.، ەنەرگەتيكا اۋديتورى

قاليەۆ م.، زەينەتكەر

نابيەۆ ق.، جۇمىسشى

سماعۇلوۆ ج.، شارۋاشىلىق قوجالىعى باسشىسى،

مىرزاعالي گ.، ستۋدەنت

سەيدۋاليەۆا گ.، جۇمىسشى

كەمەل س. جۇمىسشى

سارباەۆ ا.ت.، بانك قىزمەتكەرى

Abai.kz