«حالىققا قىزمەت كورسەتۋ ورتالىعى» رمك قىزىلوردا وبلىسى بويىنشا فيليالى قىزىلوردا قالاسىنىڭ №1 بولىمىندە «تالاپ ەتكەن جەرىنە جەتكىزە وتىرىپ، مەملەكەتتىك قىزمەتتەر كورسەتۋ بويىنشا جەكە جانە (نەمەسە) كەشەندى قىزمەت كورسەتۋدى جۇزەگە اسىرۋ» قىزمەتى جۇمىس اتقارۋدا. بۇل قىزمەتتىڭ نەگىزگى ماقساتى – قاراپايىم حالىققا بارىنشا جاعداي جاساپ، قاجەتتى قۇجاتتارىن دەر كەزىندە جانە ۋاقىتىلى جەتكىزىپ بەرۋگە ىقپال جاساۋ. قىزمەت اقىلى بولعاندىقتان حقكو بولىمىندە ورنالاستىرىلعان ەكىنشى دەڭگەيلى بانكتەردىڭ نەمەسە «كازپوچتا» اق-نىڭ تولەم قابىلداۋ ورنىنا 700 تەڭگە تاريف سوماسىن تولەۋ قاجەتتىلىگى تۋىندايدى.

تاريف قالا ىشىندە جۇزەگە اسىرىلادى، كليەنت ارىزىندا دايىن قۇجاتتى تالاپ ەتكەن جەرىن قالا شەتىندەگى مەكەنجايعا جەتكىزۋدى كورسەتەدى (12-15 كم. ۇزاقتىعى), اتالعان جاعدايدا جۇزەگە جۇزەگە اسىرىلاتىن سومماعا ققس قوسا العاندا، ءتاريفتىڭ 50 پايىزدى قۇرايتىن قوسىمشا شىعىن سومماسى قوسىلادى.

قىزمەت كورسەتۋ ءتارتىبى:

• كورسەتىلەتىن قىزمەت بويىنشا قۇجاتتار توپتاماسىن جەتكىزۋ مەن جيىنتىقتاۋدى ۇيىمداستىرۋ جاۋاپكەرشىلىگى بولىمدە قۇجاتتار توپتاماسىن قالىپتاستىرۋعا جاۋاپتى ينسپەكتورلارعا جۇكتەلەدى. ورىنداۋشى جولعا شىقپاستان بۇرىن تەلەفون بايلانىسى ارقىلى كورسەتىلگەن مەكەنجايدى جانە تاپسىرىس بەرۋشىنىڭ جەتكىزۋ ورنى بويىنشا جەكە قاتىسۋىن ناقتىلايدى. جول ءجۇرۋ كەستەگە سايكەس كۇنىنە كەمىندە 2 رەت جۇزەگە اسىرىلادى;

• ورىنداۋشىعا فيليال ديرەكتورىنىڭ اتىنان سەنىمحات (№ 2 قوسىمشا) بەرىلەدى. قىزمەتكەرمەن ەڭبەك شارتىن بۇزىسۋ كەزىندە سەنىمحات مىندەتتى الىپ قويۋعا جاتادى.

• ورىنداۋشى مىناداي قۇجاتتار توپتاماسىمەن جول جۇرەدى: بۇدان بۇرىن تاپسىرىس بەرۋشى قول قويعان شارتتىڭ تۇپنۇسقاسى، دايىن قۇجات جانە دايىن قۇجاتتاردى بەرۋ ءتىزىلىمى. جەتكىزۋ ورنىنا كەلىسىمەن ورىنداۋشى تاپسىرىس بەرۋشىنىڭ جەكە باسىن سايكەستەندىرەدى. تاپسىرىس بەرۋشى قولحاتتاعى (شارتتاعى) مالىمەتتەردى تولتىرادى جانە دايىن قۇجاتتاردى بەرۋ تىزىلىمىنە قول قويادى.

قىزىلوردا قالاسىنىڭ №1 ءبولىمى