اۆتوكولىكپەن «ادام قاققىش» ماقسات ۇسەنوۆتىڭتىڭ اكەسى قاجىمۇرات ۇسەنوۆ كەشە استانادا ۋاقىتشا قاماۋعا الىندى.

قازتاگ اگەنتتىگىنە سەنىمدى كوزدەن حابارلانعان مالىمەتتەرگە قاراعاندا، «ەكسپو-2017» ۇلتتىق كومپانياسى قۇرىلىس دەپارتامەنتىنىڭ ەكس-ديرەكتورى قاجىمۇرات مىرزا نە ءۇشىن ۋاقىتشا ۇستاۋعا الىندى – ازىرگە بۇل تۋرالى ەشقانداي مالىمەت جوق.

ەسىمىزگە تۇسىرە كەتەر بولساق، قاجىمۇرات ۇسەنوۆتىڭ ۇلى ماقسات ۇسەنوۆ وسىدان ءبىر جارىم جىلداي ۋاقىت بۇرىن جەڭىل اۆتوكولىكپەن الماتىدا ءبىر ادامدى قاعىپ ءولتىرىپ، بىرنەشە ادامدى اۋىر جاراقاتتاعان بولاتىن. الايدا جاۋاپكەرشىلىكتەن تەك ايىپپۇل تولەۋمەن قۇتىلىپ كەتكەن وسىناۋ سەنساتسيالىق وقيعادان كەيىن ءوز ەركىمەن ءوتىنىش جازىپ، دەپارتامەنت باسشىلىعىنان كەتتى دەلىنگەن اكەسى قاجىمۇرات، ناقتى ەمەس كەيبىر مالىمەتتەرگە قاراعاندا، سوڭعى كەزدەرى وسى «ەكسپو-2017» ۇلتتىق كومپانياسىندا كەڭەسشىلىك قىزمەت اتقارىپ جۇرگەن كورىنەدى. وعان، رەسمي ەمەس مالىمەتتەرگە قاراعاندا، ەكسپو-2017 اۋماعىندا جۇمىس ىستەپ جاتقان بىرنەشە قۇرىلىس كومپانياسىنىڭ مۇددەسىن قورعاپ ءجۇر دەگەن ايىپ تاعىلعان كورىنەدى.

مارات ماداليموۆ.

Abai.kz