استانا قالاسىنىڭ اكىمىنىڭ «استانا ەكسپو-2017» ۇك» اق باسقارماسىنىڭ توراعاسى قىزمەتىن قوسا اتقارۋى اقىسىز نەگىزدە جۇزەگە اسىرىلادى، ياعني وعان ول ءۇشىن جالاقى جانە باسقا دا تولەمدەر مەن سىياقىلار تولەنبەيدى، بۇل تۋرالى Ult.kz سايتى جازدى.

استانا قالاسىنىڭ اكىمى ادىلبەك جاقسىبەكوۆتىڭ «استانا ەكسپو-2017» ۇك» اق باسقارماسىنىڭ توراعاسى وكىلەتتىلىگىن جۇزەگە اسىرۋىنا قاتىستى ۇلتتىق كومپانيادا بىلايشا تۇسىنىك بەردگەن:

«اكىم — جەرگىلىكتى اتقارۋشى ورگاندى باسقاراتىن جانە ءتيىستى اۋماقتا مەملەكەتتىك ساياساتتىڭ جۇرگىزىلۋىنە جاۋاپتى قازاقستان پرەزيدەنتى مەن ۇكىمەتىنىڭ وكىلى («جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» قازاقستان زاڭىنىڭ 1 بابى). اكىم ساياسي مەملەكەتتىك قىزمەتشى بولىپ تابىلادى.

مەملەكەتتiك قىزمەتشiنiڭ كاسiپكەرلiك قىزمەتپەن اينالىسۋعا، سونىڭ iشiندە، ەگەر كوممەرتسيالىق ۇيىمدى باسقارۋعا تiكەلەي قاتىسۋ قازاقستان زاڭدارىنا سايكەس ونىڭ قىزمەتتiك مiندەتiنە كiرمەيتiن بولسا، ەگەر «سىبايلاس جەمقورلىققا قارسى كۇرەس تۋرالى» زاڭدا وزگەشە بەلگىلەنبەسە، ۇيىمدىق-قۇقىقتىق نىسانىنا قاراماستان، كوممەرتسيالىق ۇيىمدى باسقارۋعا قاتىسۋعا قۇقىعى جوق («مەملەكەتتىك قىزمەت تۋرالى» قازاقستان زاڭىنىڭ 10 بابى). سونداي-اق مەملەكەتتىك فۋنكتسيالاردى ورىنداۋعا ۋاكىلەتتى لاۋازىمدى جانە وزگە دە ادامدارعا جانە ولارعا تەڭەستىرىلگەن ادامدارعا پەداگوگتىك، عىلىمي جانە وزگە دە شىعارماشىلىق قىزمەتتەن باسقا، اقى تولەنەتىن وزگە قىزمەتپەن اينالىسۋعا تىيىم سالىنادى («سىبايلاس جەمقورلىقپەن كۇرەس تۋرالى» قازاقستان زاڭىنىڭ 10 بابى 1 تارماعى. وسىلايشا، استانا قالاسى اكىمىنىڭ «استانا ەكسپو-2017» ۇك» اق باسقارماسىنىڭ توراعاسى وكىلەتتىلىگىن قوسا اتقارۋى تەگىن، ول ءۇشىن جالاقى جانە باسقا دا تولەمدەر مەن سىياقىلار تولەنبەي جۇزەگە اسىرىلادى»

اباي-اقپارات