"استانا ەكسپو-2017"ۇك" اق باسقارۋشى ديرەكتورى سۋلامبەك باركينحوەۆ ۇستالدى. بۇل تۋرالى Tengrinews.kz جاڭالىعى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ حابارلادى.

"ەكسپو"اق قىزمەتكەرلەرىنە قاتىستى 214 ميلليون تەڭگەنى جىمقىردى دەگەن كۇدىكپەن قوزعالعان قىلمىستىق ءىستى تەرگەۋ جۇمىستارى اياسىندا باسقارۋشى ديرەكتور باركينحوەۆ قاماۋعا الىندى", - دەلىنگەن اگەنتتىك حابارلاماسىندا.

"اگەنتتىك قاراعاندى وبلىسى اكىمدىگىنىڭ بۇرىنعى باسشىسىنىڭ 2 ميلليارد تەڭگەدەن استام، الماتى قارجى پوليتسياسىنىڭ بۇرىنعى باسشىسى 48,1 ميلليارد اقشا جىمقىرعانىن انىقتادى. "استانا ەكسپو-2017" ۇك باسشىلارىنىڭ ناقتى قانشا اقشا جىمقىرعانى انىقتالىپ جاتىر", - دەپ مالىمدەگەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى شىپەكباەۆ، تەكسەرىس جۇمىستارى قۇرىلىستىڭ جۇرۋىنە كەدەرگى كەلتىرمەيدى دەپ وتىر.

ەسكە سالساق، 11 ماۋسىمدا تالعات ەرمەگياەۆ مەملەكەت باسشىسىنىڭ وكىمىمەن "استانا ەكسپو-2017" ۇك بۇرىنعى باسشىسى قىزمەتىنەن بوساتىلدى. ەرمەگياەۆ قىزمەتىنەن بوساتىلعاننان ەكى كۇننەن سوڭ قاماۋعا الىنىپ، مۇلىكتەرىنە تىيىم سالىندى.

Abai.kz