بۇل تۋرالى Abai.kz اقپاراتتىق پورتالىنىڭ تىلشىسىنە وڭتۇستىك قازاقستان وبلىسى اۋىل شارۋاشىلىعى باسقارماسىنىڭ باسشىسى سەرىك تۇربەكوۆ ءمالىم ەتتى. 

باسقارما باسشىسىنىڭ ايتۋىنشا، ەگىن شارۋاشىلىعى بويىنشا جۇرگىزىلگەن جۇيەلى ءارتاراپتاندىرۋدىڭ ارقاسىندا 1991 جىلمەن سالىستىرعاندا مايلى داقىلداردىڭ ەگىس كولەمى بيىلعى جىلدىڭ قورتىندىسى بويىنشا، 73 مىڭ گا. 80 مىڭ گەكتارعا، باقشا 49 مىڭنان 59 مىڭ گا.، ال كوكونىس 27 مىڭ گەكتاردان 40,4 مىڭ گا، كارتوپ توعىز مىڭ گەكتاردان 15,3 مىڭ گا ارتقان. سونىمەن قاتار، ەگىس كولەمىمەن قاتار الىنعان ءونىم كولەمى دە ارتقان. ماسەلەن، 1991 جىلى وبلىس بويىنشا 163,4 مىڭ توننا كوكونىس جينالسا، بيىلعى جىلى 866 مىڭ تونناعا، ياعني بەس ەسەگە ارتىپ وتىر.

سونداي-اق،  بيىلعى جىلى ورتاشا ەسەپپەن - 470 مىڭ تن. استىق جينالىپ، تۇسىمدىلىگى ورتاشا 22 تسن/گا. قۇراعان. ال 1991 جىلى استىقتىڭ تۇسىمدىلىگى گەكتارىنا 17,8 تسەنتنەر بولعان. وڭتۇستىك شارۋالارى وزدەرىنىڭ ەڭبەكقورلىعىمەن قازاقستاننىڭ تاۋەلسىزدىك كەزەڭىندەگى ەڭ ۇلكەن رەكوردتىق كورسەتكىشكە قول جەتكىزىپ وتىر.

«1999 جىلدىڭ اياعىندا بۇرىنعى 182 ۇجىمشار-كەڭشار جانە مەملەكەتتىك شارۋاشىلىقتار بازاسىندا جەكە مەنشىككە نەگىزدەلگەن 20 مىڭنان استام اۋىل شارۋاشىلىعى قۇرىلىمدارى پايدا بولدى. بۇگىنگى كۇنگە ولاردىڭ سانى 70 مىڭنان استى. سونداي-اق، مەملەكەتتىڭ اۋىل شارۋاشىلىعى سالاسىن تىكەلەي قولداۋى مەن وبلىس اكىمدىگى تاراپىنان جۇرگىزىلگەن جۇيەلى جۇمىستىڭ ناتەجيەسىندە، 2010 جىلدان باستاپ مال شارۋاشىلىعىنىڭ ءونىم ۇلەسى 45%، ال وسىمدىك شارۋاشىلىعىنىڭ ۇلەسى 55 % قۇرادى»،- دەدى  سەرىك تۇربەكوۆ Abai.kz اقپاراتتىق پورتالىنىڭ تىلشىسىنە.

اباي-اقپارات