وڭتۇستىك قازاقستان وبلىسى اۋماعىندا ورنالاسقان  "بورتە ميلكا" ءسۇت تاۋارلىق فەرماسىندا وڭتۇستىك جۇرتشىلىعىن تابيعي ونىممەن قامتاماسىز ەتىپ وتىر. جۋىردا اتالعا فەرمادا وبلىس باسشىسى ارنايى بولىپ قايتقان ەدى.

جىل باسىندا اشىلعان شارۋاشىلىقتا اسىل تۇقىمدى ءسۇتتى باعىتتاعى "گولشتەين" تۇقىمىنان قازىرگى تاӊدا 272 باس ساۋىن سيىر بار. كۇنىنە 30 ليترگە دەيىن ءسۇت بەرەتىن فەرمادا جىلىنا 6-7 مىӊ ليتر اعارعان الۋ كوزدەلۋدە. ول ءۇشىن تاياۋدا تاعى دا 200-دەن استام ءىرى قارا اكەلۋ جوسپارلانۋدا. ءسۇت تاۋارلىق فەرمانىӊ بارلىق جابدىقتارى شۆەيتساريالىق قۇرىلعىلارمەن قامتاماسىز ەتىلگەن.

قر اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ اۋىل تۇرعىندارىن جۇمىسپەن قامتاماسىز ەتۋ شارالارى مەن اۋىلدىق جەرلەردە كووپەراتسيانى دامىتۋ تۋرالى مالىمدەدى.

ق. ايتۋعانوۆ اۋىل تۇرعىندارىن جۇمىسپەن قامتۋ جانە قايتا وӊدەۋ قۋاتتارىن جۇكتەۋ جەكە شارۋاشىلىقتار الەۋەتىن پايدالانۋ ەسەبىنەن جۇزەگە اسىرىلاتىنىن ايتتى. قر اشم وبلىس اكىمدىكتەرىمەن بىرلەسە وتىرىپ جانە قر ءدسادم جىل سوӊىنا دەيىن ناقتى مىندەتتەر مەن ينديكاتورلاردى انىقتايتىن ۇشجاقتى قادامدىق جوسپارىنا قول قويدى. سونىمەن قاتار، ءىس-شارالاردى جۇزەگە اسىراتىن جۇمىس توبى قۇرىلدى جانە وӊىرلەردە ءتۇسىندىرۋ جۇمىستارىن جۇرگىزۋ ءۇشىن قۇجاتتار پاكەتى دايىندالدى.

ق. ايتۋعانوۆ اكىمدىكتەرگە بەكىتكەن جوسپارعا سايكەس، اعىمداعى جىلدىӊ سوӊىنا دەيىن 150 اۋىل شارۋاشىلىعى كووپەراتيۆى قۇرىلاتىندىعىن ايتتى. ول 100 ءسۇت قابىلداۋ بەكەتى مەن 2 200-دەن استام وتباسىلىق بورداقىلاۋ الاӊىن بىرىكتىرەدى.

"وسى جىلدىӊ 15 قازانىنداعى جاعداي بويىنشا 42 ءسۇت قابىلداۋ بەكەتى جانە 3 200 وتباسىلىق بورداقىلاۋ الاӊى قۇرىلدى", - دەدى ق. ايتۋعانوۆ.

سونداي-اق، ءبىرىنشى ۆيتسە-مينيستر كووپەراتيۆ قۇرۋدا فورمالدى امالدى بولدىرماس ءۇشىن كووپەراتيۆكە جەكە شارۋا قوجالىقتارىن كوبىرەك تارتۋ ءۇشىن وندا كەم دەگەندە 20 قاتىسۋشى بولۋ مىندەتى قويىلعانىن مالىمدەدى.

اباي اقپارات