حالىق اراسىنا كەڭ تاراعان، ايگىلى «دۋدار-اي» ءانىنىڭ كەيىپكەرلەرى دۇيسەن اتتى قازاق جىگىتى مەن ماريام جاگور دەگەن ورىس قىزىنىڭ سۋرەتى تابىلدى. بۇل تۋرالى فەيسبۋك الەۋمەتتىك جەلى قولدانۋشىسى مۇسايىپ  سىدىقوۆ جاريا ەتتى. ول عاشىقتاردىڭ سۋرەتىن جاريالاپ، بىلاي دەپ جازعان ەكەن: «بۇگىن قىتاي مەملەكەتىندە تۇراتىن تۋىستارىممەن (WeChat - "مۇرىن ۇرپاقتارى" توبى) پىكىر الىسىپ وتىرىپ، دوقتىرقان دەگەن باۋىرىمنىڭ چاتقا قويعان تومەندەگى سۋرەتتىن كوردىم. 100 پايىز انىق دەپ ايتا المايمىن، قازاعىمىزدىڭ اۋزىندا اڭىز-ولەڭمەن ايگىلى بولعان قاريالارىمىزدى قويماسقا بولمادى.
اراب ارپىمەن "اتتارى اڭىزعا اينالعان قوس عاشىقتار ماريام جاگور قىزى، دۇيسەن (دۋدار)"-دەپ جازىلعان. ودان ءارى تومەندە يەروگليفپەن جازىلعاندى وقۋعا، ساۋاتىم جەتپەدى».

ءبىز جوعارىداعى ازاماتتىڭ جاريالاعان تاريحي فوتوسىن وقىرمان نازارىنا ۇسىنىپ وتىرمىز.

Abai.kz

ءانشى جۇبانىش جەكسەنۇلىنىڭ ورىنداۋىندا "دۋدار-اي" ءانى