وӊتۇستىك قازاقستان وبلىسى نىӊ تولەبي اۋدانىندا 61265 گەكتار جەردەن ءونىم الىندى،- دەپ حابارلايدى اباي-اقپارات وӊتۇستىك قازاقستان وبلىسى تولەبي اۋدانىنىӊ اكىمى بۇحارباي پارمانوۆتىӊ سوزىنە سۇيەنە وتىرىپ.

وӊتۇستىك قازاقستان وبلىسى تولەبي اۋدانىنىӊ اكىمى بۇحارباي پارمانوۆتىӊ مالىمدەۋىنشە، اعىمداعى جىلى اۋداندا  20613 گەكتار جەرگە بيداي مەن ارپا ەگىلىپ، 55591 توننا ءونىم جينالعان.
تولەبيلىك ديحاندار بيىلعى جىلى 11439 توننا مايلى داقىل، 15000 توننا كارتوپ، 16400 كوكونىس جيناعان. سونداي-اق بيىل 28278 گەكتارعا كوپ جىلدىق مال ازىقتىق داقىلدار ەگىلسە، 5370 گەكتارعا جاӊا جوӊىشقا ەگىلگەن. 

جەمىس-جيدەك جانە ءجۇزىم القاپتارىن 2100 گەكتارعا جەتكىزۋ باعىتىندا جۇمىستار اتقارىلىپ، بيىل قوسىمشا 169 گەكتارعا كوشەت وتىرعىزىلعان. تامشىلاتىپ سۋارۋ ءادىسى بويىنشا ەگىس كولەمى بيىل 325 گەكتارعا جەتىپ، قوسىمشا 1,52 گا جەرگە جىلىجاي سالىنعان. 2016-2017 جىلعى مال قىستاتۋ ناۋقانىنا قاجەتتى 241 مىӊ توننا مال ازىعى ازىرلەنىپ، جوسپار 110 پايىزعا ورىندالعان. 

"سوӊعى 5 جىلدىӊ كولەمىندە اۋدانىمىز وبلىس بويىنشا استىق جانە مايلى داقىل ءوندىرۋ باعىتىندا 1-2 ورىنداردان كورىنىپ كەلەدى. اۋا رايىنىӊ قولايلى بولۋىنا بايلانىستى استىق، مايلى داقىلداردىӊ كولەمى وتكەن جىلدارعا قاراعاندا ارتىعىمەن جينالدى. سونىمەن قاتار، وتكەن جىلى 4500 توننا جەمىس-جيدەك جينالسا، بيىل 20500 توننا ءونىم جينادىق",- دەدى بۇحارباي پارمانوۆ مىرزا Abai.kz اقپاراتتىق پورتالىنىڭ تىلشىسىنە. 

بيىلعى جىلى جوسپارلانعان 42 اۋىلشارۋاشىلىعى تەحنيكالارى تولىعىمەن الىندى. ودان بولەك، اۋىلداردا 1 كاسىپكەر ءوز قاراجاتتارى ەسەبىنەن متس اشىپ، جۇمىستار جۇرگىزۋدە. 

2016 جىلى اۋداندىق بيۋدجەتتەن قارجى ءبولىنىپ، "تولەبي سۋ شارۋاشىلىعى" مكك ەسەبىنەن جالپى 17 كانال مەحانيكالىق جوندەۋدەن وتكىزىلىپ، 9,5 شاقىرىم ارىق، 2 لوتوك جانە 51 مەتر قۇبىر قويىلدى. 

ايتا كەتەيىك، تولەبي اۋدانى بويىنشا 2017-2018 جىلدارعا جوندەۋ جۇمىستارىن جۇرگىزۋ ءۇشىن وقو اۋىلشارۋاشىلىعى باسقارماسىنان 23 كانال ۇسىنىلعان.

اباي-اقپارات