ءومىر – كۇرەس. وعان داۋ جوق. تىرشىلىك تارتىسقا تولى. اسىرەسە، بۇگىنگى كۇنى...

مىناۋ – استانا ىرگەسىندەگى قوسشى اۋىلى تۇرعىندارىنىڭ ء«ومىر جولى». ناعىز قىل كوپىر. كۇن سايىن قالت-قۇلت ەتىپ، شىقپا جانىم شىقپا دەپ، ءبىر قۇدايعا سىيىنىپ ۇيگە زورعا جەتەسىڭ.

ەكى كولىك قاتار كەلسە توبە شاشىڭ تىك تۇرادى. ەكى ادام بەتپە-بەت كەلسە، بىرىنە-ءبىرى جول بەرىپ، ءبىرى امالسىز ءۇيىندى قاردىڭ ۇستىنە شىعادى. شىعا السا... سوندىقتان قوسشىلىقتار قارسى كەلە جاتقان ادامدى ءيتتىڭ ەتىنەن جەك كورەدى.

قىس تۇسكەلى كورگەن كۇنىمىز – وسى. جاۋعان قاردى جول جيەگىنە تاۋ-توبە عىپ ءۇيىپ تاستاعان. تازالاعان ءتۇرى. جولاۋشىلارعا ارنالعان جالعىزاياق جول «توبە» استىندا قالدى.

كەيدە ەرىكسىز بۇل ەلدىڭ ەگەسى جوق پا دەپ ويلايسىڭ؟ نە وعان ادامنان كولىك قىمبات. جول قىزمەتكەرلەرى قايدا؟ جول قاۋىپسىزدىگىن كىم باقىلايدى؟ سالىقتى نە ءۇشىن تولەيمىز؟..

ءسۇرىنىپ-جىعىلىپ، قاعىلىپ-سوعىلىپ قۇلاپ جاتقان جاندا ەسەپ جوق. قالاعا قاتىنايتىن باس كوشەمىزدىڭ سىيقى – وسى، باسقاسىن ءتىپتى ايتپاي-اق قويايىن!.. الدە مىندەتتى تۇردە جول اپاتىنا ۇشىراپ، كىسى ءولىمى بولماي ەشكىم قوزعالماي ما؟! ءتيىستى ورىندار قايدا قاراپ وتىر؟..

ءبىر توپ «قوسشى» اۋىلى تۇرعاندارى اتىنان – قازاقستان جازۋشىلار جانە جۋرناليستەر وداعىنىڭ  مۇشەسى تۇرماعانبەت كەنجەباەۆ

Abai.kz