بۇگىن، 2017 جىلعى 16 قاڭتاردا الماتى قالاسىنىڭ الاتاۋ اۋداندىق حقكو-سىندا قايعىلى جاعداي ورىن العاندىعىن، دالىرەك ايتساق 1964 جىلى تۋعان ازامات جاراس نۋركيبايۇلى كۋنتاكوۆتىڭ قازا بولعانىن حابارلايمىز.

جاراس نۋركيبايۇلى ساعات 09.30-دا حقكو-عا ايەلىمەن بىرگە «ازاماتتاردى تۇرعىلىقتى جەرى بويىنشا تىركەۋ» قىزمەتىنە جۇگىنگەن، ول كەزدە حقكو-دا ادام سانى كوپ بولماعان.  ايەلى بلانك تولتىرىپ بولعانشا، بىرىڭعاي ەلەكتروندىق كەزەك تالونىن الىپ ۇلگەرمەگەن ازامات، ساعات 09.42-دە ءوزىن جايسىز سەزىنگەن، سول كەزدە حقكو-دا كەزەكشىلىك اتقارىپ وتىرعان مەديتسينا قىزمەتكەرى جەدەل تۇردە العاشقى مەديتسينالىق كومەك كورسەتكەن بولاتىن. ساعات 9.52-دە جەدەل جاردەم قىزمەتى كەلدى، بىراق جاراس نۋركيبايۇلىن قۇتقارىپ قالا المادى. «ازاماتتارعا ارنالعان ۇكىمەت» مەملەكەتتىك كورپوراتسياسى جاراس نۋركيبايۇلىنىڭ تۋىستارى مەن جاقىندارىنا كوڭىل ايتادى.

«ازاماتتارعا ارنالعان ۇكىمەت» مەملەكەتتىك كورپوراتسياسى سوزىلمالى اۋرۋلارى بار ازاماتتارعا قاربالاس ساتتە حالىققا قىزمەت كورسەتۋ ورتالىقتارىنا كەلمەۋلەرىن سۇرايدى. سونداي-اق، جۇكتى ايەلدەر مەن مۇگەدەكتىگى بار ازاماتتارعا حقكو-لاردى جەڭىلدىك تەرەزەلەرى جۇمىس ىستەيتىنىن جانە 1-2 توپ مۇگەدەكتىگى بار مۇمكىندىگى شەكتەۋلى ازاماتتار حقكو قىزمەتكەرلەرىن 1414 ءنومىرى ارقىلى ۇيىنە شاقىرا الاتىندىقتارىن ەستەرىڭىزگە سالامىز. 

وسىعان دەيىن الماتى وبلىسىنداعى ىلە اۋداندىق حالىققا قىزمەت كورسەتۋ ورتالىعىنا قۇجات راسىمدەۋگە كەلگەن اقساقالدىڭ وقىستان قايتىس بولعانى حابارلانعان ەدى. ول كەزدە حقكو مەن قۇزىرەتتىورگاندار وقيعا ۋاقىتشا تىركەۋگە قاتىسى جوقتىعىن ايتىپ اقتالعان بولاتىن.

اباي-اقپارات