2017 جىلدىڭ 16 قاڭتارى، الماتى ق. – 2017 جىلدىڭ 11 قاڭتارىنا دەيىن ۋنيۆەرسيادا-2017 ويىندارىنا ساتىپ الىنعان بيلەتتەر اراسىندا وتكىزىلگەن ۇتىس ويىننىڭ ءبىرىنشى كەزەڭى اياقتالدى. باعى جانعان 12 ادام ۋنيۆەرسيادا ۇيىمداستىرۋشىلارىنان جانە قىسقى ويىنداردىڭ رەسمي سەرىكتەستەرىنەن باعالى سىيلىقتاردى الماق.

ۋنيۆەرسيادا-2017 ۇتىس ويىنىنىڭ ءبىرىنشى كەزەڭىندە ۇتقان بيلەتتەردىڭ ءتىزىمى 2017 جىلى الماتىدا وتەتىن 28-ءشى دۇنيەجۇزىلىك قىسقى ۋنيۆەرسيادانىڭ رەسمي سايتىندا جانە Facebook پاراقشاسىندا (https://www.facebook.com/Almaty2017WU/?fref=ts) جاريالاندى.

ۇيىمداستىرۋشىلاردىڭ حابارلاۋىنشا، ۇتىستاردى الۋ ءۇشىن 28-ءشى دۇنيەجۇزىلىك قىسقى ۋنيۆەرسيادا ديرەكتسياسىنا كەلەسى مەكەنجاي بويىنشا حابارلاسۋ قاجەت: الماتى ق.، بايزاقوۆ ك.، 280, سولتۇستىك مۇنارا نەمەسە  8 (727) 313 23 25 تەلەفونىنا قوڭىراۋ شالۋعا بولادى.

ەستەرىڭىزگە سالىپ وتەيىك، 2016 جىلدىڭ 20 جەلتوقسانىندا باستالعان جۇلدەلەردىڭ ۇتىس ويىنى ەكى كەزەڭدە وتكىزىلەدى. ۋنيۆەرسيادا اياسىنداعى سپورتتىق وقيعالارعا بيلەت ساتىپ العان جاسى 18-دەن اسقان كەز كەلگەن قر ازاماتى ۇتىس ويىنعا قاتىسا الادى. ۇتىس ويىن ساتىپ الىنعان بيلەتتىڭ بىرەگەي توعىز تاڭبادان تۇراتىن نومىرىنە قاراپ وتكىزىلەدى. شاقىرۋ بيلەتتەرى جانە قۇنى جوق بيلەتتەر ۇتىس ويىنعا قاتىسا المايدى.

2017 جىلدىڭ 08 اقپانىنا دەيىن ساتىپ الىنعان بيلەتتەردىڭ بارلىعى ۇتىس ويىننىڭ ەكىنشى كەزەڭىنە قاتىسادى. ەكىنشى كەزەڭدە ساپپوروداعى ازيا ويىندارىنا 2 ساياحات، سونداي-اق، «بازيس-ا» كورپوراتسياسىنىڭ ۇسىنىپ وتىرعان سۋپەر جۇلدەسى – «المالى» تۇرعىن اۋدانىندا ورنالاسقان ەكى بولمەلى پاتەر ۇتىسقا سالىنادى.

«المالى» تۇرعىن اۋدانى «بازيس» قۇرىلىس كومپانياسى سالعان ۋنيۆەرسيادانىڭ باس نىسانى - Almaty Arena مۇز سارايىنىڭ قارسى جاعىندا ورنالاسقان. «بازيس-ا كورپوراتسياسى» جشس باسقارما توراعاسى پاۆەل بەلوۆيچ «Almaty Arena» مۇز سارايىن سالىپ جاتقان كەزدىڭ وزىندە  وسى اۋداننىڭ دامۋ كەلەشەگى جوعارى دەپ باعالانعانىن اتاپ ءوتتى.

- Almaty Arena مۇز سارايىن سالىپ جاتقان كەزدىڭ وزىندە ءبىز دامىپ جاتقان اۋداننىڭ الەۋەتىن بايقاپ، ۋنيۆەرسيادا باس نىسانىنىڭ قارسى جاعىندا جاڭا ءارى جايلى «المالى» تۇرعىن اۋدانىن سالۋ جونىندە شەشىم قابىلدادىق. ونىڭ ۇستىنە، حالىقارالىق جارىستارعا بيلەت ساتىپ العاندار اراسىنداعى ۇتىس ويىن كەزىندە باس جۇلدە رەتىندە «المالىداعى» پاتەردى ۇسىنۋ ايرىقشا مانگە يە بولادى دەپ ەسەپتەدىك، - دەيدى پاۆەل بەلوۆيچ.

ۋنيۆەرسيادا وتكىزىلگەن سوڭ الماتىلىقتار جانە «المالىنىڭ» تۇرعىندارى Almaty Arena مۇز سارايىندا حوككەيمەن جانە مانەرلەپ سىرعاناۋمەن قاتار، ءجۇزۋ، كوركەم گيمناستيكا، بوكس، كۇرەس سەكىلدى تاعى دا باسقا كوپتەگەن سپورت تۇرلەرىمەن شۇعىلدانا الاتىن بولادى.

ۋنيۆەرسيادا-2017 ويىندارىنا بيلەتتەردى almaty2017.kz, ticketon.kz, kassir.kz, fisutickets.com سايتتارىندا، سونداي-اق، الماتى جانە استانا قالالارىنىڭ كاسسالارىندا ساتىپ الۋعا بولادى. كاسسالاردىڭ مەكەنجايى تۋرالى كەلەسى سىلتەمە ارقىلى تولىعىراق بىلۋگە بولادى: http://kassir.kz/universiade/kassy-u

Abai.kz