ءتول سپورتىمىز قازاق كۇرەسىن دە بولاشاقتا جازعى ۋنيۆەرسيادا، ازيادا، وليمپيادا ويىندارىنىڭ تىزىمىنە قوسۋ جوسپارى بار. بۇل ماقساتتى ورىنداۋ ءۇشىن حالىقارالىق «قازاق كۇرەسى» فەدەراتسياسى قۇرىلدى دەپ حابارلايدى استانا ارناسى.

قۇرىلتاي كونگرەسىنىڭ جۇمىسىنا الەمنىڭ 35 مەملەكەتىنەن مانداتتار كەلگەن. ولاردىڭ بارلىعى دەرلىك ءوز ەلدەرىندە قازاق كۇرەسىمەن اينالىسىپ جۇرگەن باپكەرلەر مەن پالۋاندار. اراسىندا 2016 جىلى «الەم بارىسى» اتاعىن ۇتقان كۋبالىق برايسون ۆەدال وسكار رەنە دە بار.

ەۋروپا مەن ازيا، اۆستراليا قۇرلىعىندا دا قازاق كۇرەسى وركەن جايىپ كەلەدى. بولاشاقتا دا وسى جۇمىستى جۇيەلى جالعاستىرىپ، كەڭىنەن ناسيحاتتاۋ ماقساتىندا، مانداتتاردىڭ ءبىراۋىزدان بەرگەن داۋسى مەن حالىقارالىق فەدەراتسيا توراعاسى بولىپ قانات بوزىمباەۆ تاعايىندالسا، ورىنباسارلارى جاقسىلىق ۇشكەمپىروۆ، داۋلەت تۇرلىحانوۆ بولدى. ولار جاڭا ورىندا ايلىق المايدى، الايدا، كۇرەستىڭ دامۋىنا كۇش سالامىز دەپ وتىر.

"قازاق كۇرەسىن بولاشاقتا قالاي دامىتۋ كەرەكتىگى تۋرالى جوسپارلار مەن باعىتتار تالقىلاندى. باپكەرلەر مەن ماماندار تارتىپ، ولاردى وقىتىپ، ستيپەنديا تولەپ، كەيىن ەلدەرىنە قايتارىپ، ولاردا زالداردىڭ ارەنداسىنا كومەكتەسسەك دەيمىز. بۇل حالىقارالىق فەدەراتسيا، سوندىقتان وسى 35 ەلدە دەمەۋشىلەر قارجىلاندىرادى، ارينە، قازاقستاننىڭ ۇلەسى ەرەكشە بولاتىن شىعار", - دەيدى ەنەرگەتيكا ءمينيسترى، حالىقارالىق «قازاق كۇرەسى» فەدەراتسياسىنىڭ توراعاسى قانات بوزىمباەۆ.

اباي اقپارات