قازاقستاننىڭ ۇلتتىق ەكونوميكا مينيسترلىگىنە قاراستى ستاتيستيكا كوميتەتى 2016 جىلى ەلدەن جىلىستاپ كەتكەندەر تۋرالى دەرەكتى جاريالادى. كەلگەنىنەن كەتكەن كوپ ەكەن. ەندى سولارعا توقتالايىق. 2016 جىلى قازاقستانعا قونىس اۋدارعاندار سانى – 13 347 ادام ەكەن. بۇلار رەسمي تىركەۋدەن ءوتىپ كەلگەندەر. بۇدان وزگە از ۋاقىتقا (تۋريستەر، گاستاربايتەرلەر ت.ب.) كەلگەندەر دە بار.

ال 2016 جىلى ەلدەن كەتكەندەردىڭ سانى – 34 965 ادامدى قۇراپتى. بۇلاردىڭ ىشىندە 32 930 ادام قازاقستان رەسپۋبليكاسىنىڭ ازاماتى ەكەن. بۇل 2015 جىلمەن سالىستىرعاندا 16,4 پايىزعا جوعارى كورسەتكىش. ولاردىڭ دەنى رەسەيگە كوشىپتى. ستاتيستيكا كوميتەتىنىڭ دەرەكتەرىنە سۇيەنسەك، 28 677 ادام رەسەيدە تۇرۋدى ءجون كورگەن. گەرمەنياعا – 2637 ادام، بەلورۋسسياعا – 393 ادام، اقش-قا – 228 ادام، پولشاعا – 173 ادام جانە كاناداعا – 168 ادام كوشىپ كەتكەن.

شەتكە كەتكەندەردىڭ باسىم بولىگى – رەسەيگە قونىستانىپ جاتسا كەرەك. ستاتيستيكا كوميتەتىنىڭ دەرەگىنشە، 2015 جىلى قازاقستاننان كەتكەن ميگرانتتار سانى 3,9 پايىزعا ارتىپ، 30 مىڭنان اسقان، ال 2014 جىلى 28 مىڭ ادام كەتكەن. كوشىپ جاتقانداردىڭ دەنى تمد ەلدەرىنە قونىس اۋدارعان.

ءسويتىپ ولار قازاقستاننان كوشىپ جاتىر. كوشتەرى كولىكتى بوسلىن.

Abai.kz