قازاقستاندىق تانىمال رەجيسسەر اسقار ۇزاباەۆ شىققاندارىنا ءبىر جىلدان ەندى عانا اسسا دا ەرەكشە تانىمالدىلىققا يە بولعان Ninety One تۋرالى كينو تۇسىرمەك. جۋىردا عانا «كەلينكا توجە چەلوۆەك» ءفيلمىنىڭ تۇساۋكەسەرىن وتكىزگەن رەجيسسەر اسقار ۇزاباەۆ ءوزىنىڭ الداعى جوسپارىمەن ءبولىستى.  

بۇل تۋرالى “گاككۋ” ارناسى حابارلايدى.

ء“بىز Ninety One توبى تۋرالى فيلم تۇسىرەمىز. قازىرگى تاڭدا ستسەناري جازىلىپ جاتىر. بۇل توپ تۋرالى تولىعىراق بىلگىسى كەلەتىن فاناتتار مەن ادامدار كەلەسى كۇزدە كينونى تاماشالاي الادى. بۇل دەرەكتى فيلم ەمەس، بۇل بالالاردىڭ توپقا قالاي كەلگەندىگىن بايانداعان اڭگىمەسى نەگىزىندە تۇسىرىلەدى”، – دەدى ۇزاباەۆ.

ەسكە سالا كەتسەك، 23 اقپاندا ۇزاباەۆتىڭ “كەلينكا توجە چەلوۆەك” ءفيلمىنىڭ تۇساۋكەسەرى وتكەن بولاتىن. قازاقستاندىق كينوكومەديانىڭ ءتۇسىرىلىم ۋاقىتى نەبارى 21 كۇندى قۇراپتى.

ال Ninety One توبى 2015 جىلدىڭ 1 قىركۇيەگىندە قۇرىلعان. توپ قۇرامىندا ازامات زەنكاەۆ، باتىرحان مالىكوۆ، ازامات اشماقىن، دۋلات مۇحامەتقاليەۆ جانە دانيار كۋلۋمشين بار.

نۇرسۇلۋ نايمانوۆا

Abai.kz