تۇركيادا رەسەي ەلشىسىنىڭ قازاسىنا قاتىستى ءبىر رەسەيلىك ۇستالدى
رەسەيدىڭ تۇركياداعى ەلشىسى بولعان اندرەي كارلوۆتىڭ قازاسىنا بايلانىستى انكارادا رەسەيلىك ايەل ۇستالدى دەپ حابارلادى تۇرىك تەلەارناسى. تەلەارنا دەرەگىنشە، ەكاتەرينا ب. ەسىمدى 33 جاستاعى ازامات بىلتىر قاراشادان باستاپ مەۆليۋت التىنتاشپەن WhatsApp مەسسەندجەرى ارقىلى ارالاسىپ، انكاراداعى رەسەي مادەني ورتالىعىنا تەلەفون سوققان.
رەسەيدىڭ تۇركياداعى ەلشىسى اندرەي كارلوۆ 19 جەلتوقساندا انكارادا ونەر كورمەسىنە سويلەپ تۇرعاندا ول جەرگە كۇزەتشى كەيپىندە كىرگەن 22 جاستاعى مەۆليۋت مەرت التىنتاش ەسىمدى ادام ونى تۋ سىرتىنان بىرنەشە رەت اتىپ جارالاعان. ەلشى ۇزاماي جاراقاتىنان كوز جۇمدى. بۇرىن پوليتسيادا قىزمەت ىستەگەن التىنتاشتىڭ ءوزى پوليتسيامەن اتىستا وققا ۇشقان.
تۇرىك پوليتسياسى بۇعان دەيىن رەسەي ەلشىسىنىڭ ولىمىنە قاتىستى ءتورت ادام تۇتقىندالعانىن حابارلاعان.
Abai.kz
