قر پارلامەنتىندەگى بلوگەر جازبالارىن باقىلاۋ جونىندەگى زاڭ جوباسى كەرى قايتارىلدى
ينتەرنەت قولدانۋشىلاردىڭ قۇقىعى مەن مىندەتىن ايقىندايتىن زاڭ جوباسىن ۇسىنۋشىلار جوگوركۋ كەڭەشتەن قۇجاتتى قايتارىپ العان. بۇل جونىندە قۇجات اۆتورلارىنىڭ ءبىرى، «رەسپۋبليكا – اتا-جۋرت» فراكتسياسىنىڭ دەپۋتاتى التىناي ومۋربەكوۆا مالىمدەدى.
ونىڭ سوزدەرىنشە، قوعامدىق تالقىلاۋ كەزىندە زاڭ جوباسىنا قارسى كوپتەگەن سىندار ايتىلعان. باستاماشىل توپ ءوزارا اقىلداسىپ، كەرى قايتارۋدى شەشكەن. ء«بىز قۇجاتتى ءوزىمىز تاعى قاراپ شىعامىز. بۇل جالعان اقپاراتتى تاراتۋعا قارسى باعىتتالعان ەدى. ءبىز بلوگەرلەرمەن، زاڭگەرلەرمەن كەڭەسىپ، قۇجاتتى قايتا جازىپ شىعامىز»، - دەيدى ومۋربەكوۆا.
اتالعان زاڭ جوباسى 3 ناۋرىزدا قوعامدىق تالقىلاۋعا شىعارىلعان. الەۋمەتتىك جەلىلەردە جانە باق-تا قۇجات ءسوز بوستاندىعى مەن ءباسپاسوز ەركىندىگىن شەكتەيدى دەگەن پىكىرلەر ايتىلدى.
قۇجاتتا تاۋلىگىنە مىڭنان استام جازىلۋشىلارى بار ادامدار بلوگەرلەر دەپ اتالادى دەگەن. "ولار ەركىن اقپارات الۋعا قۇقىلى، بىراق جازبالارىنا وزدەرىنىڭ اتى-جوندەرى مەن ەلەكتروندى پوشتالارىن كورسەتۋگە مىندەتتى" دەپ كورسەتىلگەن. سونىمەن بىرگە بلوگەرلەردى ارنايى مەملەكەتتىك رەەسترگە ەنگىزىلەتىنى جازىلعان.
كەيبىر زاڭگەرلەر قىرعىز دەپۋتاتتارى ۇسىنعان زاڭ جوباسىن بىلتىر رەسەيدە قابىلدانعان زاڭمەن تەڭەستىردى.
Abai.kz
