جەكسەنبى, 16 ماۋسىم 2024
بيلىك 2819 0 پىكىر 17 قاراشا, 2016 ساعات 19:06

امەريكاندىق پاۆيلوننىڭ ۇيىمداستىرۋ ماسەلەلەرىمەن «APCO Worldwide» كومپانياسى اينالىساتىن بولادى

بۇگىن «استانا ەكسپو-2017» ۇلتتىق كومپانياسى باسقارما توراعاسى احمەتجان ەسىموۆ «APCOWorldwide» كومپانياسىنىڭ اتقارۋشى ۆيتسە-پرەزيدەنتى دون بونكەرمەن كەزدەستى. 

باسقوسۋ بارىسىندا ەكى جاق امەريكا قۇراما شتاتتارىنىڭ حالىقارالىق مامانداندىرىلعان كورمەسىندە قاتىسۋ ماسەلەسى تالقىلاندى. 

كەزدەسۋدە ا.ەسىموۆ امەريكالىق دەلەگاتسيا وكىلدەرىنە «ەكسپو-2017» حالىقارالىق كورمەسىنە دايىندىق بارىسىنىڭ سوڭعى كەزەڭى تۋرالى باياندادى.«استانا ەكسپو-2017» ۇلتتىق كومپانياسى» اق باسقارماسىنىڭ توراعاسى قۇرىلىس جۇمىستارى كەستەگە سايكەس جۇرگىزىلىپ جاتقانىن حابارلادى.

«فرانتسيا، گەرمانيا، قىتاي، تۇركيا جانە ۆەنگريا ەلدەرىنىڭ وكىلدەرىنە پاۆيلوندار بەرىلىپ تە قويدى. سونداي-اق، قاتىسۋشى مەملەكەت قىزمەتكەرلەرىنە پاتەرلەر دە دايىن. الدا تاقىرىپتىق پاۆيلوندار قۇرىلىسىن اياقتاۋ مىندەتى تۇر. اقش پاۆيلونى تاپسىرۋعا دايىن»، – دەدى ا.ەسىموۆ.

«ارسو» كومپانياسى امەريكالىق پاۆيلوننىڭ اشىلۋى بويىنشا جۇمىستاردى اتقارۋ ءۇشىن تاڭدالدى. بىزدەر بارلىق ۇيىمداستىرۋشىلىق ماسەلەلەرمەن، ايتالىق پاۆيلون ديزاينى، كونتەنتى، ونى ىلگەرىلەتۋ جۇمىستارىمەن اينالىساتىن بولادى» - دەدى دون بونكەر.

 بۇگىنگى تاڭدا استانا ەكسپو-2017 كورمەسىنە قاتىسۋىن 106 مەملەكەت راستادى، 101 مەملەكەت ءوز كوميسسارلارىن تاڭدادى، 90 مەملەكەت قاتىسۋ كەلىسىمشارتىنا قول قويدى.

ايتا كەتۋ كەرەك، حالىقارالىق مامانداندىرىلعان كورمە استانا قالاسىندا 10 ماۋسىم مەن 10 جەلتوقسان ارالىعىندا وتكىزىلەتىن بولادى. 

جالپى العاندا، ەكسپو-2017 حالىقارالىق مامانداندىرىلعان كورمەسىن تاماشالاۋعا شامامەن 2 ميلليوننان استام ادام كەلەدى جانە 5 ميلليون كەلۋشى بولادى دەپ كۇتىلۋدە

abai.kz

0 پىكىر