حالقى تىعىز قونىستانعان، تۇرعىندارىنىڭ سانى جاعىنان كىشىگىرىم وبلىستارمەن تەڭەسەتىن ماقتارال اۋدانىندا اۋداندا شاعىن جانە ورتا كاسىپكەرلىك سالاسى دا قارقىندى دامۋدا. اۋداندا 2016 جىلدىڭ 1 قازانىنا دەيىن تىركەلگەن شاعىن جانە ورتا كاسىپكەرلىك سۋبەكتىلەرىنىڭ سانى 25 467-گە جەتتى، ولاردا 35 مىڭنان استام ادام جۇمىسپەن قامتىلعان.

شاعىن جانە ورتا بيزنەس وكىلدەرى وندىرگەن ءونىم كولەمى 43 286,2 ملن. تەڭگەنى قۇراپ، جەرگىلىكتى بيۋدجەتكە 448,8 ملن. تەڭگە سالىق تولەنگەن. ال، يندۋستريالاندىرۋ كارتاسى اياسىندا 2016 جىلى جالپى قۇنى 285,0 ملن. تەڭگە بولاتىن 2 جوبانى جۇزەگە اسىرۋ جوسپارلانۋدا. سونداي-اق، 2016 جىلدىڭ 9 ايىندا نەگىزگى كاپيتالعا باعىتتالعان ينۆەستيتسيالار 4917,8 ملن. تەڭگە بولعان.

اۋىل شارۋاشىلىعى جالپى ءونىمىنىڭ (قىزمەتىنىڭ) كولەمى 43 983,6 ملن. تەڭگە بولىپ، 2015 جىلدىڭ ءتيىستى كەزەڭىمەن سالىستىرعاندا 9 266,8 ملن. تەڭگەگە ارتقان. ءتورت تۇلىك مال باسى ارتىپ، جىل باسىنان بەرى 10499,7 توننا ەت، 70213,1 توننا ءسۇت، 10792,0 مىڭ دانا جۇمىرتقا، 350,9 توننا ءجۇن وندىرىلگەن.

ايتا كەتەيىك، ەلباسىنىڭ «100 ناقتى قادام» ۇلت جوسپارىنىڭ 94-قادامىندا كورسەتىلگەن، ياعني حالىققا ەسەپ بەرىپ وتىراتىن «اشىق ۇكىمەت» قۇرۋ تاپسىرماسى بويىنشا جۇزەگە اسىپ جاتقان «اشىق اكىمدىك» جوباسىنا سايكەس جەرگىلىكتى اكىمدىكتەر وزدەرىنىڭ اتقارعان جۇمىستارىن، ونىڭ ىشىندە ءوڭىردىڭ الەۋمەتتىك-ەكونوميكالىق ءوسىمى، بيۋدجەت قاراجاتى تۋرالى مالىمەتتەردى اشىق اقپارات كوزدەرىندە جاريالاپ وتىرۋعا مىندەتتى.

Abai.kz