شاردارا اۋدانى اكىمىنىڭ حالىق الدىندا بەرگەن ەسەبى بويىنشا اعىمداعى جىلدىڭ جارتىسىندا 2759,8 ملن. تەڭگەنىڭ اۋىل شارۋاشىلىعى ءونىمى وندىرىلگەن. بۇل تۋرالى اۋدان اكىمدىگىنىڭ رەسمي سايتى «اشىق اكىمدىك» جوباسى اياسىندا جاريالاپ وتىر.  ونىڭ ىشىندە 2741,3 ملن.تەڭگە مال شارۋاشىلىعىنىڭ ونىمدەرى، 18,5 ملن.تەڭگە ەگىن شارۋاشىلىعىنىڭ ونىمدەرى. جالپى وندىرىلگەن اۋىل شارۋاشىلىعى ءونىمىنىڭ ناقتى كولەم يندەكسى 106,1 پايىزدى قۇراعان.

اۋدانداعى 64000 گەكتار سۋارمالى جەردىڭ 59301,5 گەكتارىنا اۋىل شارۋاشىلىعى داقىلدارىن ەگۋ جوسپارلانىپ،  اعىمداعى جىلدىڭ  التى ايىنىڭ قورىتىندىسى بويىنشا 820,5 گەكتار كۇزدىك بيداي، 1575 گەكتار جەرگە جازدىق ارپا، 947 گەكتار جەرگە كۇرىش، 3784,25 گەكتار جەرگە داندىك جۇگەرى، 670 گەكتار جەرگە ماش، 159 گەكتار جەرگە ماقسارى، 643 گەكتار جەرگە كۇنباعىس، 12456,85 گەكتار جەرگە ماقتا، 19153,7 گەكتار جەرگە ەسكى جوڭىشقا، 4206,4 گەكتار جەرگە جاڭا جوڭىشقا، 3307 گەكتار جەرگە سۇرلەمدىك جۇگەرى، 199,5 گەكتار جەرگە كارتوپ، 542,9 گەكتار جەرگە كوكونىس، 10836,4 گەكتار جەرگە باقشا داقىلدارى ەگىلدى.  «دامۋ باعدارلاماسىنا» سايكەس، 700 گەكتار ەگىستىك جەرگە تامشىلاتىپ سۋعارۋ ءادىسىن ەندىرۋ جوسپارلانىپ، تاپسىرما 100 پايىزعا ورىندالدى.

سونداي-اق، 5 گەكتار جەرگە جىلىجاي سالۋ جوسپارلانىپ، ناقتى 3,5 گەكتار جەرگە سالىنىپ، جوسپار 70 پايىزعا ورىندالدى. «سىباعا» باعدارلاماسى بويىنشا 1200 باس ءىرى قارا مال الۋ جوسپارلانىپ، ناقتى 1275 باس ساتىپ الىندى نەمەسە جوسپار 106,3 پايىزعا ورىندالدى. «وڭتۇستىك قازاقستان وبلىسى بويىنشا مال شارۋاشىلىعىن دامىتۋ  ءىس-شارالارىنىڭ 2014-2016 جىلدارعا ارنالعان جوسپارىنىڭ»  باعىتتارى (مال بورداقىلاۋ الاڭدارىن قۇرۋ، شاعىن ءسۇت فەرمالارى، ءسۇت قابىلداۋ بەكەتتەرى، ستك)  بويىنشا قالا، اۋىل وكرۋگتەرىنە اۋدان اكىمى تاراپىنان ءىس-شارالار جوسپارى بەكىتىلگەن.

اتالعان كورسەتكىشتەر بويىنشا بۇگىنگى تاڭدا مال بورداقىلاۋ الاڭدارىن قۇرۋ جىلدىق مەجەسى 145 بىرلىك، ورىندالعانى 85 بىرلىك.  اسىل تۇقىمدى ەتتى باعىتتاعى بۇقا الۋ تاپسىرماسى 60 باس، ودان الىنعانى 44 باس. «التىن اسىق» باعدارلاماسى بويىنشا 2100 باس ۋاق مال الۋ تاپسىرماسى بەرىلىپ، تاپسىرما 2670 باسقا ورىندالدى.

«قۇلان» باعدارلاماسى بويىنشا 300 باس جىلقى الۋ تاپسىرماسى بەرىلىپ، تاپسىرما 258 باسقا ورىندالدى. 5-10 باستىق شاعىن جانۇيالىق فەرمالار قۇرۋ تاپسىرماسى 18 بىرلىك، ودان ورىندالعانى 19 بىرلىك.

Abai.kz