ماسكەۋ.قازاقپارات  تاسس اقپاراتتىق اگەنتتىگىنە سىلتەمە جاساي وتىرىپ،  "يميا، ستاۆشەە ەپوحوي. نۋرسۋلتان نازارباەۆ: نوۆوە پروچتەنيە بيوگرافي" اتتى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا ارنالعان كىتاپتى تانىستىردى دەپ حابارلايدى.

ەڭبەكتىڭ اۆتورى بەلگىلى رەسەي جازۋشىسى نيكولاي زەنكوۆيچ. شاراعا م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ رەكتورى ۆيكتور سادوۆنيچي، «جوعارى ەكونوميكا مەكتەبى» ۇلتتىق زەرتتەۋ ۋنيۆەرسيتەتىنىڭ الەمدىك ەكونوميكا جانە الەمدىك ساياسات فاكۋلتەتىنىڭ دەكانى سەرگەي كاراگانوۆ، تاسس باس ديرەكتورىنىڭ ءبىرىنشى ورىنباسارى ميحايل گۋسمان، كىتاپ اۆتورى - جازۋشى نيكولاي زەنكوۆيچ، «ياۋزا» باسپاسىنىڭ باس ديرەكتورى پاۆەل بىستروۆ قاتىستى.

ءباسپاسوز كونفەرەنتسياسىنا مودەراتور رەتىندە ءسوز سويلەگەن ميحايل گۋسمان اتاپ وتكەندەي، كىتاپ قر تۇڭىش پرەزيدەنتى كۇنىنە ارنالدى. «بۇگىن بىزدە ماڭىزدى تانىستىرىلىم. 1 جەلتوقساندا بىزبەن دوس ەل - قازاقستاندا ءداستۇر بويىنشا تۇڭعىش پرەزيدەنت كۇنى اتالىپ وتەدى. بۇگىنگى ءبىزدىڭ كەزدەسۋىمىز وسى وقيعاعا بايلانىستى»، - دەدى گۋسمان. ءبىزدىڭ مەملەكەت باسشىسى نەگىزگى كەيىپكەر بولىپ تابىلاتىن كىتاپقا الەمدىك تاريح وقيعاسى ارقاۋ بولعان. ءوز پىكىرىمەن سونىمەن قاتار م.ۆ. لومونوسوۆ اتىنداعى ممۋ رەكتورى ۆيكتور سادوۆنيچي ءبولىستى.

«كىتاپتى وقىدىم. وتە قىزىقتى جازىلعان. كىتاپ 25 جىلدا ۇمىتىلىپ كەتكەن فاكتىلەر، كۇندەر، ءبىر كەزدەرى ءبىز ەستىگەن پايىمداردى ەسكە تۇسىرەتىندىگىمەن تارتا تۇسەدى. كەلەشەك ۇرپاق 80-ءشى جىلداردىڭ اياعىنان باستاپ ءبىز كورگەن قيىن جىلدارداعى ساتتەردى كوز الدىنان وتكىزەتىن بولادى. بۇل ۋاقىتتاردى وتكەرۋ وڭاي بولعان جوق»، - دەدى ول. سادوۆنيچي ءومىر جولىندا نۇرسۇلتان نازارباەۆتاي تۇلعانى تانىپ-بىلەتىنىن، ماقتان تۇتاتىنىن اتاپ ءوتتى. ول پرەزيدەنتپەن تانىسقان جىلدارى تۋرالى ءوزىنىڭ ەستەلىكتەرىن ايتىپ بەردى.

Abai.kz