وڭتۇستىك قازاقستان وبلىسى ماقتارال اۋدانى تالاي جىلدان بەرى جەر ەمىپ كەلە جاتقان، بەرەكەلى ولكە. اۋىل شارۋاشىلىعىنا بەيىمدى اتالمىش وڭىردە 22 مىڭنان استام شارۋا قوجالىعى جۇمىس ىستەيدى. ەڭبەكقور شارۋا قوجالىقتارىن مەملەكەت تاراپىنان قولداۋ جۇمىستارى دا ويداعىداي جۇرگىزىلۋدە. اسىرەسە سوڭعى ءۇش جىلدا اۋىل شارۋاشىلىعىن مەملەكەتتىك قولداۋ شارالارى ءۇش ەسە ارتقان. ال بيىلدان باستاپ ساتىپ الىنعان اۋىل شارۋاشىلىعى تەحنيكالارىنىڭ 25 پايىزى مەملەكەت تاراپىنان سۋبسيديالاناتىن بولعان.

ياعني حالىقتىڭ جەردى يگەرۋىنە، جەردى ءوز ماقساتتارىنا ءتيىمدى پايدالانۋعا بار جاعداي جاسالىنعان. «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ تۋرالى» 2001 جىلعى 23 قاڭتارداعى № 148 زاڭىندا اتقارۋشى بيلىككە اگرارلىق سەكتوردىڭ ۇتىمدى جانە ءتيىمدى جۇمىس ىستەۋىن قامتاماسىز ەتۋ جۇكتەلگەن. بۇگىنگى كۇنى ءدال وسى باعىتتا بارلىق جۇمىستار، ۇتىمدى ۇيىمداستىرىلۋدا دەۋگە بولادى. 

ماسەلەن اۋداندا اۋىل شارۋاشىلىق داقىلدارىنىڭ ەگىستىك جەر كولەمدەرىن ءارتاراپتاندىرۋ ماقساتىندا، بيىلعى جىلى 235,5 گا جەرگە بيداي، 3,8 گا جەرگە ارپا، 3709,0 گا جەرگە جاڭا جوڭىشقا، 83011,1 گا جەرگە ماقتا، 5382,5 گا جەرگە ءتۇرلى كوكونىستەر، 23114,8 گا جەرگە باقشا، 1066,8 گا جەرگە كارتوپ، 10864,8 گا جەرگە داندىك جۇگەرى، 598,7 گا جەرگە كۇنباعىس، 2182,7 گا جەرگە كۇرىش، 1540,7 گا جەرگە سۇرلەمدىك جۇگەرى، 158,8 گا جەرگە ماش، 33,0 گا جەرگە نوقات، 0,9 گا جەرگە قانت قىزىلشاسى، 28,6 گا جەرگە جاڭا جەمىس-جيدەك، 58,6 گا جەرگە جاڭا ءجۇزىم ەكپەلەرى ەگىلىپ وتىر. كوپ جىلدىق ەكپەلەردىڭ ۇلەسى 7192,2 گا (ونىڭ ىشىندە: ەسكى جوڭىشقا 6051,5 گا، جەمىس-جيدەك 474,4 گا، ءجۇزىم ەكپەلەرى 666,3 گا) جەردى قۇرايدى.

Abai.kz