ەلىمىزدە ءوز ەرەكشەلىگىنە قاراي ءار وڭىردە ءارتۇرلى ونىمدەر ەگىلىپ، وندىرىلەدى. ءار جەردىڭ ەرەكشەلىگىن ەسكەرگەننىڭ ارقاسىندا ءونىم دە ەسەلەنە تۇسەدى. ماسەلەن وڭتۇستىك قازاقستان وبلىسى ماقتارال اۋدانى نەگىزىنەن داندىك داقىلدار ەگۋگە بەيىمدەلگەن. جەردىڭ ەرەكشەلىگىنە ءمان بەرگەننىڭ ارقاسىندا الىناتىن ءونىم دە مول.

ماسەلەن ماقتارال اۋدانى بويىنشا 2016 جىلدىڭ 9 ايىندا اۋىل شارۋاشىلىق داقىلدارىنان وندىرىلگەن ونىمدەر كولەمى تومەندەگىدەي:

- كۇزدىك بيداي – 915,0 توننا;

- باقشا داقىلدارى – 607 966,2 توننا;

- كوكونىس داقىلدارى – 125 999,0 توننا;

- كارتوپ – 17 084,6 توننا;

- مال ازىقتىق داقىلدارى – 156 390,4 توننا;

- داندىك جۇگەرى – 55 257,3 توننا;

- كۇنباعىس – 1 537,7 توننا; 

- كۇرىش – 12965,0;

- ماش – 428,7 توننا;

- ماقتا – 208 411,8; 

- جەمىس-جيدەك جانە ءجۇزىم – 6 301,0 توننا.

تالاي جىلدان بەرى اۋىلشارۋاشىلىعى جۇمىستارىمەن اينالىسىپ كەلە جاتقان شارۋالار الداعى ۋاقىتتا ەڭبەك ونىمدىلىگىن الدە دە ارتتىرۋ تۋرالى ويلاسۋدا. ماسەلەن ەگىنشىلىكتە مول ونىمگە كەنەلۋ ءۇشىن قول ەڭبەك كۇشىن ازايتىپ، جاڭا تەحنولوگيالاردى كوبىرەك قولدانۋ ارقىلى جاقسى ناتيجەگە قول جەتكىزىلەتىنى دالەلدەنگەن. ماسەلەن 2016 جىلدىڭ 9 ايىندا اۋىل شارۋاشىلىعى بويىنشا جالپى وندىرىلگەن ءونىمنىڭ كولەمى 43 ملرد. 983,6 ملن. تەڭگەنى قۇراپ (ونىڭ ىشىندە: مال شارۋاشىلىعى 14 ملرد. 601,7 ملن. تەنگە، وسىمدىك شارۋاشىلىعى 29 ملرد. 067,9 ملن. تەنگە، ا/ش سالاسىنا كورسەتىلگەن قىزمەت 314,0 ملن. تەڭگە), الدىڭعى جىلعا قاراعاندا ناقتى كولەم يندەكسى 100,3 پايىزدى قۇراپ وتىر (ونىڭ ىشىندە: مال شارۋاشىلىعى 102,4 %، وسىمدىك شارۋاشىلىعى 99,3 %، ا/ش سالاسىنا كورسەتىلگەن قىزمەت 100,0 %). (2015 جىلدىڭ 9 ايىندا اۋىل شارۋاشىلىعى بويىنشا جالپى وندىرىلگەن ءونىمنىڭ كولەمى 34 ملرد. 716,8 ملن. تەڭگەنى قۇراعان (ونىڭ ىشىندە: مال شارۋاشىلىعى 10 ملرد. 560,3 ملن. تەنگە، وسىمدىك شارۋاشىلىعى 23 ملرد. 787,4 ملن. تەنگە، ا/ش سالاسىنا كورسەتىلگەن قىزمەت 369,1 ملن. تەڭگە).

Abai.kz