جەردى يگەرىپ قانا قويماي، كوپ ناتيجەگە قول جەتكىزۋ ءۇشىن ول جەردى كۇتىپ باپتاۋدىڭ، مينەرالدى تىڭايتقىشتارمەن بايىتۋدىڭ دا ماڭىزى زور! ماقتارال اۋدانىندا بۇل باعىتقا دا اسا ۇلكەن كوڭىل بولىنگەن.

بيىلعى جىلى اۋدان اۋماعىندا ورنالاسقان اۋىل شارۋاشىلىعى تاۋارىن وندىرۋشىلەرگە مينەرالدى تىڭايتقىشتارعا سۋبسيديا تولەۋ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 6 ساۋىردەگى № 4-4/305 جانە قازاقستان رەسپۋبليكاسى اۋىل شارۋاشىلىعى ءمينيسترىنىڭ 2016 جىلعى 8 ساۋىردەگى № 166 بۇرىقتارىنا سايكەس جۇرگىزىلگەن. بۇگىنگى تاڭدا جوعارىدا اتالعان بۇيرىقتارعا بايلانىستى، بولىمگە 131 شارۋا قوجالىق باسشىلارىنان 30353,7 توننا اممياك سەليتراسىنا، 9 شارۋا قوجالىق باسشىلارىنان 1746,4 ليتر مەرس ميكروبيوتىڭايتقىشىنا جانە 2 شارۋا قوجالىق باسشىلارىنان 40,7 فوسفورلى تىڭايتقىشتارعا وتىنىمدەر كەلىپ ءتۇسىپ، قاناعاتتاندىرىلعان. سونىڭ ناتيجەسىن كەشەگى جينالعان كۇزگى جيىن تەرىمنەن انىق بايقاۋعا بولادى. 

بيىلعى جىلى اۋداننىڭ اۋىل شارۋاشىلىق تاۋار وندىرۋشىلەرىنە كوكتەمگى دالا جۇمىستارىن جۇرگىزۋگە 9035 توننا ججم ءبولىنىپ، بولىنگەن ججم-دىڭ 8860 تونناسى ءاشتو تاراپىنان يگەرىلدى (98,0 %). كۇزگى دالا جۇمىستارىن جۇرگىزۋگە 10725 توننا ججم ءبولىنىپ، بولىنگەن ججم-دىڭ 10264,5 تونناسى اۋىل شارۋاشىلىق تاۋار وندىرۋشىلەر تاراپىنان يگەرىلگەنىن بايقاپ وتىرمىز (95,7 %). شارۋالار وندىرىلگەن ءونىمنىڭ ساپاسىنا دا، ناتيجەسىنە دە كوڭىلدەرى تولاتىندارىن جەتكىزۋدە. كۇزگى جيىن تەرىمنەن سوڭ، جەردى ەمگەن ەلدىڭ ديحاندارى «التىن كۇز» مەرەكەسىن دە شاتتانا تويلادى. كوڭىل توق، كومبە دە استىققا تولى. ديحاندار ءۇشىن ەڭ باستىسى وسى!

Abai.kz