بيىل وڭتۇستىك اۋىلشارۋاشىلىعى سالاسىندا ەرەكشە تۇسىمدىلىك كورسەتىپ، رەكوردتىق كورسەتكىش كورسەتسە ونىڭ ىشىندە ورداباسى اۋدانىنىڭ دا ۇلەسى بار.

جەرى شۇرايلى، ازاماتتارى ەڭبەكسۇيگىش، ىنتىماعى مەن بىرلىگى جاراسقان ورداباسى ءوڭىرى تاۋەلسىزدىگىمىزدىڭ 25 جىلىندا تۇراقتى دامۋ جولىنا ءتۇسىپ، ەلىمىزدىڭ ىلگەرى باسۋىنا وزىندىك ۇلەسىن قوسىپ كەلەدى. 1995 جىلى وڭتۇستىك قازاقستان وبلىسى بويىنشا بارلىق اۋىلشارۋاشىلىق قۇرىلىمىنىڭ سانى 8275-ءتى قۇراسا، ونىڭ 158-ءى ياعني 1,9 پايىزى عانا وسى اۋماقتان بولاتىن. 21 جىلدا بۇل كورسەتكىش وبلىستا 72 417-گە جەتسە، بۇگىندە ورداباسىلىقتاردىڭ ۇلەسى 5505-كە تۇراقتادى.

بۇل جالپى وبلىستاعى اۋىلشارۋاشىلىق قۇرىلىمنىڭ 7,6 پايىزىن قۇرايدى. جالپى، ورداباسى اۋدانى بيىلعى جىلدى دا اۋىل شارۋاشىلىق ونىمدەرى بويىنشا جاقسى كورسەتكىشتەرمەن اياقتادى دەۋگە نەگىز بار. اتاپ ايتساق: اعىمداعى جىلى اۋىل شارۋاشىلىعى داقىلدارىنىڭ ەگىستىك القابى 357 گەكتارعا ارتىپ، 54 357 گەكتاردى قۇرادى. وتكەن جىلمەن سالىستىرعاندا ماقتانىڭ ەگىستىگى - 62 پايىزعا، بيدايدىڭ ەگىستىگى - 32 پايىزعا، كارتوپ - 3,7 پايىزعا ۇلعايدى.

اۋداندا بيىل 30 259 توننا بيداي، 15 028 توننا ماقتا، 68 650 توننا كوكونىس، 43 500 توننا باقشا ونىمدەرى جينالدى. اۋىلداردىڭ ەرەكشەلىگى ەسكەرىلىپ، ونىمدىلىكتى ارتتىرۋ بويىنشا اتقارىلعان جۇمىستىڭ ناتيجەسىندە 5 اۋىلشارۋاشىلىق وندىرىستىك كووپەراتيۆ قۇرىلدى. ەندىگى كەزەكتە، اۋىلدىق وكرۋگتەردە متس اشۋدى جوسپارلانىپ وتىر.

جالپى اۋدانداعى جەرگىلىكتى بيلىك وكىلدەرى ورداباسى اۋدانىنىڭ جەتىستىكتەرىن ەسەلەپ، الداعى ۋاقىتتا ەگىلەتىن ءونىم كولەمىن ءارتاراپتاندىرۋ ماقساتىندا دا بىراق جوسپارلار قۇرىپ وتىر. دەمەك وڭتۇستىكتە رەكوردتار دا جاڭارا بەرمەك...

Abai.kz