مەملەكەت تاراپىنان تۇقىم شارۋاشىلىعىن قولداۋ، گەكتارلىق سۋبسيديا، جەڭىلدەتىلگەن جانار-جاعار ماي، تىڭايتقىشتارمەن قامتاماسىز ەتۋ، مال شارۋاشىلىعى ءونىمى مەن اسىل تۇقىمدى مال شارۋاشىلىعىن قولداۋ، قايتا وڭدەۋ كاسىپورىندارىنىڭ شيكى زاتتى ساتىپ الۋ قۇنىن تومەندەتۋ، ينۆەستيتسيالىق سۋبسيديا، كرەديت/ليزينگتىڭ پايىزدىق ۇستەماقىلارىن سۋبسيديالاۋ باعدارلامالارىنىڭ سالانى دامىتۋعا تىكەلەي ىقپال ەتۋدە.

وعان دالەل، بيىلعى جىلدىڭ وزىندە اۋىل شارۋاشىلىعى تاۋار وندىرۋشىلەرىن قولداۋعا 13 بيۋدجەتتىك باعدارلاما بويىنشا 26,0 ملرد. تەڭگە ءبولىنىپ، وتكەن جىلدان 24% ارتتى. وسىنىڭ ارقاسىندا بۇگىندە وڭتۇستىك قازاقستان وبلىسى شارۋالارىنىڭ ونىمىنە سۇرانىس ارتىپ تۇر. ەلىمىزدى قويىپ، كورشى ەلدەرگە ەكسپورتقا ونىمدەرىن شىعارا باستاۋى وسىنىڭ ايعاعى. 

دەگەنمەن دە جىلدان-جىلعا حالىق سانىنىڭ وسىمىنە جانە ەكونوميكالىق جاعدايدىڭ جاقسارۋىنا بايلانىستى ساپالى اۋىل شارۋاشىلىعى ونىمدەرىنە دەگەن سۇرانىستىڭ ارتاتىنى ءسوزسىز. سوندىقتان الدىمىزدا اتالىپ وتكەندەي، وبلىستىڭ اگرارلىق سالاسىن 2017 – 2020 ج.ج. ارنالعان دامىتۋدىڭ التى باعىتى ايقىندالدى. ودان بولەك وسىناۋ ۇلان بايتاق جەرىمىزدى يگەرۋ، دامىعان تەحنولوگيالىق جەتىستىكتەردى دەر كەزىندە قولدانىسقا ەنگىزۋ، مەملەكەتتىڭ ءۇمىتىن اقتاپ، اۋىل شارۋاشىلىعى سالاسىن دامىتۋعا باعىتتالعان باعدارلامالاردى جۇمىس ىستەتۋ وڭىردەگى شارۋالاردىڭ باستى ماقساتى بولىپ وتىر. اتاپ ايتا كەتەرلىك جايت ەلباسىنىڭ ءوزى وڭتۇستىك قازاقستان وبلىسى اگرارلى وڭىرگە اينالى ءۇشىن بارلىق جاعداي جاسالعانىن اتاپ وتكەن بولاتىن. ەل تاۋەلسىزدىگىنىڭ 25 جىلدىعى تۇسىندا كۇنگەيدەگى شارۋالاردىڭ رەكوردتى ءونىم جيناۋى سول ءۇمىتتى اقتاعانى بولىپ وتىر. 

Abai.kz