شاردارا ماقتاشىلارى بيىل مول ءونىم جينادى. باسقا اۋداندارمەن سالىستىرعاندا مۇنداي جەتىستىككە جەتۋ ءوڭىر شارۋالارى ءۇشىن ۇلكەن قۋانىش بولىپ وتىر. اۋداندا 12 291,2 گەكتار القاپتان مەجەلەنگەن 33 309 توننانىڭ ورنىنا 33 806 توننا ءشيتتى ماقتا جينالدى. اۋدان ديقاندارى قاجىرلى ەڭبەكتىڭ، اگرو تەحنيكالىق تالاپتارعا ساي ماقتانى كۇتىپ-باپتاۋ شارالارىن ءوز دەڭگەيىندە اتقارعانىنىڭ ناتيجەسىندە جوعارى كورسەتكىشكە جەتتى.

گەكتار ونىمدىلىگىن 27,5 تسەنتنەردەن اينالدىرعان ديقاندار قاۋىمى وسىلايشا ەرەن ەرلىكتىڭ ۇلگىسىن كورسەتىپ وتىر. مول ونىمگە قول جەتكىزۋدە ق.تۇرىسبەكوۆ، كوكسۋ جانە الاتاۋ باتىر اۋىلدىق وكرۋگىنىڭ ماقتاشىلارى سۇبەلى ۇلەستەرىن قوستى. سونداي-اق، جاۋشىقۇم اۋىلىندا تامشىلاتىپ سۋارۋ ادىسىمەن 240 گەكتارعا ماقتا ەگىپ وتىرعان ء«يىرجار اگرو» جشس-ى دا مول ءونىم الۋعا قول جەتكىزدى. سەرىكتەستىك ديقاندارى مەجەلەنگەن 960 توننا ءشيتتى ماقتانىڭ ورنىنا 1224 توننا ماقتا الىپ، ءار گەكتاردان ورتاشا 51 تسەنتنەردەن ءونىم جينادى. كوكسۋ اۋىلدىق وكرۋگىندەگى «توقاي» شارۋاشىلىعىنىڭ توراعاسى اسان ادىلبەكوۆ بيىل دا گەكتار ءتۇسىمىن ارتتىرىپ وتىر.

مايتالمان ماقتاشىنىڭ قاراماعىنداعى 9,5 گەكتار القاپتىڭ ءار گەكتارىنان 61,4 تسەنتنەر ءونىم جينالعان. الاتاۋ باتىر اۋىلىنداعى دۇيسەن لەسوۆ باسشىلىق جاسايتىن «راحىمجان» شارۋا قوجالىعى 15 گەكتار ماقتالىقتان 47 تسەنتنەردەن ءونىم اينالدىردى. جەكەلەگەن ماقتا تەرىمشىلەر اراسىندا كوكسۋلىق دۇيسەنكۇل سەركەبايعا ىلەسەتىن ادام بولعان جوق. جيىن-تەرىم ناۋقانى باستالعالى د.سەركەباي 20 گەكتار ماقتالىقتىڭ ءار گەكتارىنان 61,2 تسەنتنەردەن ماقتا تەرىپ، قىرمانعا 123 توننا اق ۇلپا جينادى.

Abai.kz