الماتى. 7 قىرقۇيەك. قازتاگ – سارسەنبى كۇنى الماتى ۋاقىتىمەن 00:30 مينۋتتا فۋتبولدان ۇلتتىق قۇراما 2012 جىلعى ەۋروپا چەمپيوناتىنىڭ ەكىنشى ىرىكتەۋ ويىنىن اۋستريا قۇراماسىنا قارسى زالتسبۋرگتە وتكىزەدى، دەپ حابارلايدى سپورت جۋرناليستەرىنىڭ وداعى (سجو).

سجو اقپاراتى بويىنشا، سەيسەنبى كۇنى ەۋروپانىڭ فۋتبول الاڭدارىندا EURO-2012-ءىنىڭ 23 ىرىكتەۋ ماتچى وتەدى. ونىڭ ۇشەۋى «ا»توبىندا وتەدى،وندا اۋستريا مەن ازەربايجان قۇرامالارى شەبەرلىك سىناسادى. زالتسبۋرگتە ديتمار كونستانتينيدىڭ تاربيەلەنۋشىلەرى قازاقستاندىق ويىنشىلاردى قابىلدايدى. بۇل ەكى كوماندانىڭ ۇلتتىق قۇراما دەڭگەيىندەگى العاشقى كەزدەسۋى بولادى. ماتچقا حورۆاتيالىق تورەشىلەر بريگاداسى تورەلىك ەتەدى (باس رەفەري - ماريو ستراحونيا), «Wals-Siezenheim» ستاديونىنان تىكەلەي ترانسلياتسيانى «حابار» اگەنتتىگى ۋادە ەتىپ وتىر.

ەسكە سالا كەتەيىك، وتكەن جۇمادا قازاقستاندىقتار ءوز الاڭىندا تۇركيا قۇراماسىنان جەڭىلىپ قالعان بولاتىن (0:3). ءبىزدىڭ كوماندانىڭ جاتتىقتىرۋشىسى بەرند شتورك العاشقى ماتچتاعى وسىنداي جەڭىلىستەن كەيىن قازاقستاندىق فۋتبولشىلار دۇرىس قورىتىندى جاسايدى دەپ ۇمىتتەنەدى. «بىرەۋلەر ءبىز تۇرىكتەردى جەڭەمىز دەپ ويلادى ما؟ ءبىز فيفا رەيتينگىندە 28-ءشى ساتىدا تۇرعان قۇرامامەن وينادىق. ەندى اۋستريالىقتارمەن ويىنعا زەيىن قويۋ قاجەت، ولارمەن 90 مينۋت بويى ساق بولۋ كەرەك»، دەپ ءمالىم ەتكەن ماماننىڭ ءسوزىن UEFA سايتى كەلتىرىپ وتىر.

«ا» توبىنىڭ باسقا ەكى كەزدەسۋىندە گەرمانيا قۇراماسى ءوز الاڭىندا ازەربايجاندى قابىلدايدى، ال تۇرىكتەر ءوز الاڭىندا بەلگيا قۇراماسىن قابىلدايدى.