سوزاق اۋدانى اكىمى م. يساەۆ شاعىن ەلدى مەكەن تۇرعىندارىمەن كەزدەسۋدى جالعاستىرۋدا. ەكىنشى ايدىڭ كولەمى بولدى، حالىقپەن جۇزدەسىپ، ەمەن جارقىن اڭگىمەلەسۋدە. وسى ۋاقىتقا دەيىن ون ەكى ەلدى مەكەندە بولىپ، بىرقاتار ماسەلەلەردىڭ شەشىلۋىنە ىقپال ەتتى. گالستۋكسىز وتكەن كەزدەسۋ بارىسىندا كوپشىلىك ويلارىن اشىق ايتىپ، ءوتىنىش ۇسىنىستارىن بىلدىرۋدە.

بۇل جولعى كەزدەسۋ قاراعۇر اۋىل وكرۋگىنە قاراستى، شاعا ەلدى مەكەنىندە بولدى. تۇرعىنداردى تولعاندىرعان باستى ماسەلە، ورتالىق كوشەگە تاس توسەلىپ، سۋ اعاتىن شاعىن كوپىرلەر قويىلسا دەدى. سونداي-اق تازا اۋىز سۋمەن قامتاماسىز ەتۋ قاشان جۇرگىزىلەدى دەگەن ساۋالدارىن جەتكىزدى. ءوز سوزىندە اۋدان اكىمى ورتالىق جولدى ورتا جوندەۋدەن وتكىزۋ كەلەر جىلى جۇرگىزىلەتىنىن ايتتى. سۋ قۇبىرىن جۇرگىزۋگە وبلىستىق بيۋدجەتتەن جوبالاۋ- سمەتالىق قۇجاتتار دايىنداۋعا ءتيىستى قارجى ءبولىنىپ، باسقارما تاراپىنان كونكۋرس وتكىزىلۋدە. اۋىز سۋ نىسانىنىڭ قۇرىلىس جۇمىستارى 2017-2018 جىلدارى جۇرگىزىلەتىن بولادى دەدى اۋدان باسشىسى.

ەلدى مەكەن تۇرعىندارى بىرقاتار جەكەلەگەن وتىنىشتەرىن دە جەتكىزدى. جيىن سوڭىندا اۋىل اقساقالدارى حالىقپەن كەزدەسىپ، تىزە قوسىپ بىرگە جۇمىس جاساعان اۋدان اكىمىنە العىستارىن ايتتى. 

اۋدان اكىمىنىڭ ءباسپاسوز قىزمەتى. 

Abai.kz