قازاقستان ۇكىمەتىنىڭ باسشىسى باقىتجان ساعىنتاەۆ ءوزىنىڭ ورىنباسارلارىنا كاسىپكەرلىكتى قولداۋ ماسەلەسىن باقىلاۋعا الۋدى تاپسىردى، - دەپ حابارلايدى "ەگەمەن قازاقستان" باسىلىمى prime-minister.kz سايتىنا سىلتەمە جاساپ. 

وتىرىستا مەملەكەتتىڭ جانە بيزنەستىڭ سىندارلى جۇمىسىنىڭ ارقاسىندا اكىمشىلىك كەدەرگىلەر مەن رۇقسات بەرۋ ۇدەرىستەرى ماسەلەلەرى ەندى كوتەرىلمەيتىنى ايتىلدى. قازىر ءبىرىنشى كەزەككە وتاندىق تاۋار وندىرۋشىلەردى قولداۋ، سالىقتىق اكىمشىلەندىرۋ جانە قارجى كوزدەرىنىڭ قولجەتىمدىلىگى ماسەلەلەرى شىعادى.

وسىعان بايلانىستى پرەمەر-مينيستر بىرقاتار تاپسىرمالار بەردى.

«سالىقتار، نەسيەلەۋ بويىنشا كوپتەگەن سۇراقتار بار. وتكەن اپتادا ءبىز «اتامەكەن» باسقارماسىمەن، ەكىنشى دەڭگەيلى بانكتەرمەن كەزدەستىك، بارىندە نەسيەلەۋ بويىنشا سۇراقتار بار، بارلىعى بىزدە جۇمىس جاساپ جاتقان مەملەكەتتىك باعدارلامالاردى قولدايدى. مەملەكەت قوسىمشا اقشا ءبولىپ وتىر، الايدا «اگروبيزنەس-2020» جانە «بيزنەستىڭ جول كارتاسى-2020» باعدارلاماسىن قايتا قاراۋ مىندەتى تۇر»، – دەگەن تاپسىرما بەردى پرەمەر-مينيستر ءوزىنىڭ ورىنباسارلارى ا. مامين مەن ي. تاسماعامبەتوۆكە.

پرەمەر-مينيستر نەسيەلەۋدىڭ قولجەتىمدىلىگى ماسەلەسىنە توقتالدى. ول ۇكىمەت ۇلتتىق بانكپەن بىرگە نەسيە رەسۋرستارىنىڭ قولجەتىمدىلىگى ماسەلەسىن جاقسارتۋ بويىنشا شارالار ازىرلەنىپ جاتقانىن ايتىپ ءوتتى. وسىعان بايلانىستى ۇلتتىق ەكونوميكا مينيسترلىگىنە ۇلتتىق بانكپەن بىرگە «بيزنەستىڭ جول كارتاسىنا-2020» وزگەرىستەر ەنگىزۋ ماسەلەسىن پىسىقتاۋ قاجەت.

اتالعان تاپسىرمالاردىڭ ورىندالۋ ناتيجەسىن ب. ساعىنتاەۆ 10 كۇننەن كەيىن تىڭدايتىن بولادى.

Abai.kz