يزرايل مەن وڭتۇستىك قازاقستان اراسىنداعى ىنتىماقتاستىق نىعايا تۇسەدى. وسىعان دەيىن اۋىل شارۋاشىلىعى، مەديتسينا سالالارىندا ارىپتەستىك جاساسىپ كەلە جاتقان قوس تاراپ الداعى ۋاقىتتا تاعى بىرنەشە جوبانى بىرلەسىپ ىسكە اسىرماق. باستامالار شىمكەنتتە وتكەن قازاقستان-يزرايل بيزنەس فورۋمىندا تالقىلاندى.

ءيزرايلدىڭ قازاقستانداعى ەلشىلىگى مەن وبلىستىق اكىمدىك وكىلدەرى اراسىنداعى مەموروندۋم جاڭا جوبالارعا جول اشپاق. سوناۋ كەڭەس داۋىرىنەن باستاۋ الاتىن قوس تاراپ ىنتىماقتاستىعىنىڭ اۋىل شارۋاشىلىعى، مەديتسينا، قاۋىپسىزدىك سالالارىن دامىتۋدا ماڭىزى ايرىقشا. 

قوس ەل وكىلدەرى كۇركەتاۋىق ەتىن وڭدەۋ وسى ىنتىماقتاستىق اياسىندا ىسكە اسىرىلعان ءساتتى جوبالاردىڭ ءبىرى دەپ سانايدى. بيىل 10 مىڭ توننا دايىن ءونىم شىعارۋدى قولعا العان كاسىپورىن كەزىندە نارىقتا سۇرانىسى تومەندەپ كەتكەن قۇس ەتىن وڭدەپ، ساۋداعا شىعاردى. قازاقستاننىڭ قۇس ەتىن شىعارۋشىلار قاۋىمداستىعىنىڭ مالىمەتىنە قاراعاندا، بۇگىندە ەلىمىزدە قۇس ەتىنە دەگەن سۇرانىس جىلىنا 350 مىڭ توننانى قۇرايدى ەكەن. ماماندار بۇل تاۋارعا قازىر وزگە دە ەلدەردەن تاپسىرىس كوپتەپ ءتۇسىپ جاتىر دەيدى. تاياۋ شىعىس ەلىنەن كەلگەن دەلەگاتتار ەندى بالىق ەتىن باپتاۋعا دا قۇلشىنىپ وتىر.

ايتا كەتەيىك، بۇگىندە وبلىستا يزرايلدىكتەردىڭ قاتىسۋىمەن 15 جوبا ىسكە اسۋدا. ونىڭ دەنى اۋىل شارۋشالىعى سالاسىندا. شەتەلدىك بيزنەسمەندەر بىزدەگى كليماتتىق جاعداي مەن ينفراقۇرىلىمنىڭ جولعا قويىلعانىنا ءتانتى. ەندى كۇنگەيدە جاسىل ەكونوميكانى دامىتىپ، بالامالى قۋات كوزدەرىن كوبەيتسەك دەگەن نيەتى بار.

تاياۋ شىعىستان كەلگەن بيزنەس وكىلدەرى شىمكەنتتىڭ قاۋىپسىزدىگىن قامتاماسسىز ەتۋدە ارىپتەستىك جاساسۋعا دايىن. ديالوگ الاڭىندا تاراپتار «قاۋىپسىز قالا» جانە «اقىلدى قالا» جوبالارىنىڭ تۇجىرىمداماسىن دا تالقىلادى. سونداي-اق، الداعى ۋاقىتتا قوس تاراپتىڭ دەنساۋلىق ساقتاۋ سالاسىندا بىرلەسىپ اتقارار شارالارى قىرۋار.

اقپارات كوزى:otyrar.kz

Abai.kz