بۇگىن ورداباسى اۋدانى بادام اۋىلىنداعى «بادام» يندۋستريالدى ايماعىندا پوليەتيلەن بۇيىمدارىن قايتا وڭدەيتىن جاڭا زاۋىتتىڭ ىرگەتاسى قالاندى. ينۆەستيتسيا قۇنى 20 ملن. اقش دوللارىن قۇرايتىن زاۋىت جىلىنا 50 مىڭ توننا ءونىم وندىرەدى دەپ كۇتىلۋدە.

ءىرى ءوندىرىس ورنىنىڭ قازىعىن قاعۋ سالتاناتتى شاراسىنا شەتەلدىك بىرقاتار ءىرى كومپانيالاردىڭ وكىلدەرى قاتىستى.

ەسكە سالايىق، بۇل جوبا وسى جىلدىڭ 28-29 ساۋىرىندە وتكەن «Ontustik Invest-2016» حالىقارالىق ينۆەستيتسيالىق فورۋمى اياسىندا قول قويىلعان ىنتىماقتاستىق تۋرالى مەموراندۋم شەڭبەرىندە جۇزەگە اسىپ وتىر.

اتالعان جوبانى الەمگە تانىمال  شەتەلدىك HONGKONG TIANRUN CO.،LTD ءىرى ءوندىرىس كومپانياسى وبلىس اكىمدىگىمەن جانە Green Technology Industries كومپانياسىمەن بىرلەسە وتىرىپ سالماق. بۇگىندە بۇل كومپانيا  70 مەملەكەتتە ءوندىرىس ورىندارىن اشىپ ۇلگەرگەن.

ءوڭىردىڭ الەۋمەتتىك-ەكونوميكاسىنىڭ دامۋىنا سەرپىلىس بەرەتىن زاۋىت ىسكە قوسىلعان كەزدە 250 ادام جۇمىسپەن قامتىلادى دەپ جوسپارلانۋدا.

سونىمەن قاتار، وڭتۇستىك قازاقستان وبلىسى مەملەكەت باسشىسى نۇرسۇلتان نازارباەۆتىڭ تىكەلەي تاپسىرماسى بويىنشا وڭىردە شارۋالاردىڭ جۇمىستارىن جانداندىرۋ مەن وبلىس تۇرعىندارىنىڭ جۇمىسپەن قامتىلۋى تولىق قامتاماسىز ەتۋ ماقساتىندا  تىڭ جوبالار مەن ءوندىرىس ءام اگرارلىق سەكتوردىڭ قىزمەتىن تىرىلتۋدە. اسىرەسە، بەيبىت باكىرۇلىنىڭ باستاماسىمەن ءوڭىر تۇرعىندارىنىڭ تۇرمىس احۋالى جاقسارىپ، جاڭا جۇمىس ورىندارى اشىلۋدا. سولاردىڭ جارقىن كورىنىسى  «بادام» يندۋستريالدى ايماعىندا اشىلعان جاڭا پوليەتيلەن زاۋىتى بولماق.

وقو اكىمىنىڭ ءباسپاسوز قىزمەتى