وڭتۇستىك قازاقستان وبلىسى اۋماعىندا بالالارعا بەرىلەتىن قۇجاتتاردىڭ 4 ءتۇرى  بىرىكتىرىلىپ، كومپوزيتتىك قىزمەت اياسىنا ەندى.

حالىققا قىزمەت كورسەتۋ ورتالىقتارى ارقىلى الىناتىن بۇل قىزمەتكە ءتۇرى بالانىڭ تۋ تۋرالى كۋالىگى مەن تۋىلۋىنا بايلانىستى الەۋمەتتىك ءبىر جىلدىق تولەماقىسى، سونىمەن قاتار، ونىڭ ءبىر جاسقا دەيىنگى تولەنەتىن جاردەماقىسى مەن مەكتەپكە دەيىنگى ءبىلىم بەرۋ ۇيىمدارىنا كەزەككە قويۋ قىزمەتتەرى جاتادى.

بۇگىندە وبلىستىڭ بارلىق پەريناتالدى ورتالىقتارى مەن بوسانۋ ۇيلەرىندە حكقو  مەن احات بولىمدەرىنىڭ قىزمەتكەرلەرى جوعارىدا ايتىلعان قۇجاتتاردى راسىمدەۋ بويىنشا كوشپەلى قىزمەت كورسەتۋدە.  اتالعان قىزمەت ىسكە قوسىلعان ءبىر كۇننىڭ ىشىندە 136 بالانىڭ قۇجاتتارى وسى قىزمەت تۇرىمەن راسىمدەلگەن.

  ءوڭىر تۇرعىندارى ەندى جوعارىدا اتالعان  4 مەملەكەتتىك  قىزمەت ءتۇرىن الۋ ءۇشىن ءتۇرلى مەكەمە ورتالىقتارىنىڭ تابالدىرىعىن توزدىرماي-اق، ءبىر ءوتىنىش نەگىزىندە ىسكە اسىرۋعا بولادى.

بۇگىندە وبلىس جۇرتشىلىعى اراسىندا بۇل قىزمەت تۇرىنە وڭ پىكىرىن بىلدىرۋشىلەر كوبەيۋدە. وبلىسى اۋماعىندا بالالارعا بەرىلەتىن قۇجاتتاردىڭ 4 ءتۇرى  بىرىكتىرىلىپ، كومپوزيتتىك قىزمەت اياسىنا ەنۋىنە بايلانىستى وڭ پىكىرلەردىڭ ءبىر پاراسى: «بۇل قادام ءبىزدى قاعازباستىلىقتان قۇتقارادى» دەگەنگە سايادى. راسىندا، قاعازباستىلىق، قاجەتتى-قاجەتسىز قۇجاتتاردى رەتتەۋ بۇگىنگى زامانداعى شارۋاباستى ادامدار ءۇشىن كولدەنەڭ قيىندىقتار تۋعزىپ كەلە جاتقانى شىندىق.

Abai.kz