قر پرەمەر-ءمينيسترىنىڭ ورىنباسارى يمانعالي تاسماعامبەتوۆ وقو مەديتسينالىق الەۋمەتتىك مەكەمەسىندە ورىن العان ماسەلەنى انىقتاۋ ءۇشىن ارنايى كوميسسيانى جولدادى، - دەپ حابارلايدى kaz.tengrinews.kzء تىلشىسى.

ايتا كەتەيىك، وسى اپتادا باق-تاردا ارنايى ماقالا شىققان بولاتىن. وندا تۇركىستان قالاسىنداعى الەۋمەتتىك مەكەمەدە ەم قابىلداپ جۇرگەن ازاماتتىڭ اناسى سول مەكەمەنىڭ جاعدايىن سىناپ، ەمدەلۋشىلەردىڭ تيەسىلى كۇتىم المايتىنىن ايتىپ نارازىلىق تانىتقان بولاتىن.

بۇگىن قر پرەمەر-ءمينيسترىنىڭ ورىنباسارى يمانعالي تاسماعامبەتوۆ وقو تۇركىستان قالاسىنداعى پسيحونەۆرولوگيالىق الەۋمەتتىك مەكەمەسىندە ورىن العان كەلەڭسىزدىكتەردى انىقتاۋ ءۇشىن دەنساۋلىق ساقتاۋ جانە الەمەتتىك دامۋ مينيسترىلىگىنىڭ وكىلدەرىنەن قۇرالعان ارنايى كوميسسيانى جولدادى. اتالعان كوميسسيانىڭ قۇرامىنا الەۋمەتتىك قىزمەت دەپارتامەنتىنىڭ ديرەكتورى ا. تولەگاليەۆا، پسيحياتريالىق عىلىمي-تاجىريبيەلىك ورتالىعى ديرەكتورىنىڭ ورىنباسارى ن. نيگاي، قارجى دەپارتامەنتىنىڭ ديرەكتورى گ. يماشەۆا، الەۋمەتتىك قورعاۋ جانە ەڭبەك كوميتەتىنىڭ باس ساراپشىسى ر. كوشكىمبەكوۆالار ەندى.

"ەڭ اۋەلى كوميسسيا قۇرامى وسى ماسەلەنى ءجىتى زەرتتەپ، ورىن العان ولقىلىقتىڭ سەبەبىن انىقتاۋى شارت. بارلىق تەكسەرۋ جۇمىستارى اياقتالعان سوڭ جۇمىس توبى ساراپتاما قورىتىسىن جاريا ەتەتىن بولادى. بۇگىنگى كۇنى كەشەندى تەكسەرۋ جۇمىستارىن جۇرگىزۋ ءۇشىن قر باس پروكۋراتۋراسىنا ارنايى ۇسىنىس جاسالدى", - دەلىنگەن حاباردا.

جۇمىس توبىنىڭ قورىتىندىسىنا سايكەس، زاڭدى بۇزعان تۇلعالار جاۋاپقا تارتىلادى، سونداي-اق الداعى ۋاقىتتا مۇنداي كەلەڭسىزدىككە جول بەرمەۋ ءۇشىن ارنايى شارالار جاسالادى.

اباي-اقپارات