وڭتۇستىك قازاقستان وبلىستىق، ايماقتىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا وبلىستىق اسسامبلەيا حاتشىلىعىنىڭ مەڭگەرۋشىسى م.قالمۇراتوۆ  «ماڭگىلىك ەل» پاتريوتتىق اكتىسىندەگى جەتى تۇعىر اسسامبلەيا قىزمەتىنىڭ باستى باعدارى رەتىندە اتقارىلاتىن ءىس-شارالاردىڭ وزەگى بولىپ ايقىندالعانىن ايتتى.  بۇل تۋرالى «اباي اقپارات» وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى. 

وڭتۇستىك قازاقستان وبلىستىق اسسامبلەيا جانىنان قۇرىلعان اقپاراتتىق-ناسيحاتتىق توپتىڭ تۇرعىندارمەن ءتۇرلى فورماتتا كەزدەسۋلەر ۇيىمداستىرعانىن جەتكىزگەن حاتشىلىق مەڭگەرۋشىسى ەل بىرلىگىن بەكەمدەۋ، ۇلت جوسپارى مەملەكەتتىك باعدارلاماسى مەن «ماڭگىلىك ەل» پاتريوتتىق اكتىسىن دارىپتەۋ ماقساتىندا 189 ءىس-شارا  ۇيىمداستىرىلىپ، وعان 215 مىڭنان استام تۇرعىننىڭ قامتىلعانىن حابارلادى. 

سونىمەن قاتار، بريفينگ بارىسىندا وبلىستىق اسسامبلەيا حاتشىلىعىنىڭ مەڭگەرۋشىسى وڭىردەگى ەتنوسارالىق احۋالعا توقسان سايىن زەرتتەۋلەر جۇرگىزىلىپ، ساراپتاما جاسالاتىنىن، ساۋالناما ناتيجەسى بويىنشا رەسپوندەنتتەردىڭ 97,7 پايىزى وزدەرىن ءبىرتۇتاس قازاقستان حالقىنىڭ وكىلى ەكەندىگىن ماقتان تۇتاتىندىعىن ايتىپ، بۇل وسى سالاداعى جۇيەلى جۇمىستىڭ ماقساتتى تۇردە ناتيجەلى ىسكە اسىپ كەلە جاتقانىن اڭعارتادى دەدى.

وڭتۇستىك قازاقستان وبلىسى

اكىمىنىڭ ءباسپاسوز قىزمەتى 

Abai.kz