بۇگىن وبلىس اكىمى جانسەيىت تۇيمەباەۆتىڭ قاتىسۋىمەن وقو مەملەكەتتىك كىرىستەر دەپارتامەنتىنىڭ «شىمكەنت-كەدەندىك راسىمدەۋ ورتالىعى» كەدەن بەكەتىندە «بيۋدجەتارالىق قاتىناستار جۇيەسىن جەتىلدىرۋ ماسەلەلەرى» تاقىرىبىندا كوشپەلى وتىرىس ءوتتى.

قر پارلامەنتى ءماجىلىسىنىڭ دەپۋتاتى گۇلجان قاراقۇسوۆا باستاعان قارجى جانە بيۋدجەت كوميتەتىنىڭ مۇشەلەرىنىڭ الدىندا قر قارجى مينيسترلىگى مەملەكەتتىك كىرىستەر كوميتەتىنىڭ توراعاسى داۋلەت ەرعوجين بايانداما جاساپ، كەدەندىك راسىمدەۋ كەزىندەگى تۋىندايتىن وزەكتى ماسەلەلەر مەن سالىق جانە كەدەن زاڭنامالارىنا وزگەرتۋلەر ەنگىزۋ جايىندا وي ءبولىستى.

شارا كەزىندە، دەپۋتاتتار كەدەنشىلەردىڭ جۇمىس بارىسىمەن تانىسىپ، تاۋەكەلدى باسقارۋ جانە «ەلەكتروندى شوت-فاكتۋرا» اقپاراتتىق جۇيەلەرىن كوردى. سونداي-اق، كينولوگتار قىزمەتتىك يتتەرىنىڭ توسىن جاعدايدا ارەكەت ەتۋ ساتتەرىنەن وقۋ-جاتتىعۋ جۇمىستارىن تاماشالادى.

مۇنان سوڭ، حالىق قالاۋلىلارى «وڭتۇستىك» يندۋستريالدىق ايماعىندا بولىپ،  ونداعى كورمە ورتالىعىن ارالادى. يندۋستريالدى ايماقتا شىعارىلاتىن ونىمدەردى كورىپ، ساپاسىن جوعارى باعالادى. اتالعان ايماقتىڭ سەرىكتەستىك جەتەكشىلەرمەن كەزدەسكەن جۇمىس توبى كاسىپكەرلەردىڭ ىسىنە ساتتىلىك تىلەدى.

«بولاشاقتا وڭتۇستىك قازاقستان وبلىسىندا ارنايى ساۋدا ورتالىعىن اشۋ جوسپارىمىز بار. وندا تەك وڭتۇستىك وڭىرىندە جاسالىپ، شىعارىلعان ونىمدەر مەن تاۋارلار عانا ساۋدالاناتىن بولادى. بۇل ءوز كەزەگىندە، ءبىزدىڭ وبلىستا شىعارىلاتىن ونىمدەردى حالىققا تانىتۋدا ۇلكەن ءرول اتقاراتىن بولادى»، - وبلىس اكىمى جانسەيىت تۇيمەباەۆ.

سونىمەن قاتار، ءوندىرىس ورىندارىن ارالاۋ كەزىندە ءماجىلىس دەپۋتاتتارى شىنىدان جاسالعان ىدىستار شىعارۋمەن اينالىساتىن «ەۆروكريستالل» جشس-ندا بولدى. جوبالىق قۋاتتىلىعى 60 ملن. دانا شىنى شىعارۋعا قاۋقارلى زاۋىتتا 150 ادام جۇمىسپەن قامتىلعان. سونداي-اق، حالىق قالاۋلىلارى «وڭتۇستىك» ارنايى ەكونوميكالىق ايماعىندا ورنالاسقان «بال تەكستيل» كىلەم فابريكاسىنىڭ ونىمدەرىن كوردى. جوعارى ساپالى كىلەم ونىمدەرىن شىعارۋمەن اينالىساتىن سەرىكتەستىك جەتەكشىلىگى كىلەمدەردى ەكسپورتقا كوپتەپ شىعارۋ ءىسىنىڭ قولعا الىنىپ جاتقانىن جەتكىزدى.

abai.kz