كەشە شىمكەنتتە مىقتى تالقىلار بولدى.

سونىڭ ءبىرى قازاق ۇلتشىلدىعىنىڭ جاڭا ساپاسى مەن مازمۇنى حاقىندا ءوربىدى.

ەكى نəرسەنى ايقىن اڭعارعان سياقتىمىن.

1.

قازاق ءəلى دە ءوز ۋاقىتى مەن كەڭىستىگىن اڭعارىپ، انىقتاپ بولماعان. جەرۇيىعى مەن التىن عاسىرىنىڭ قايدا ەكەنىنە كەلىسە الماي كەلەدى. ارتتا قالدى ما، əلدە بولاشاقتا ما؟ قازاق مەملەكەتىنىڭ بولاشاعى تۋرالى ورتاق مəمىلە دە جوق.

2.

قازاق ۇلتشىلدىعىندا ءəلى دە ەتنوستىق ولشەم كوپ. مىسالى، قازاقتىڭ ءبىرازى قازاقتان وزگەنى قازاق دەپ تانۋعا ءəزىر ەمەس. بۇل ورەسكەل قاتەلىك. رۋلىق سانا دا تەرىس əسەرىن تيگىزىپ جاتىرعان سياقتى. كەشە ءبىر جىگىتتەردەن: "ەگەر وزگە ەتنوس وكىلى مەن قازاقپىن، ءتىلىن بىلەم، تاريحىن بىلەم، وسى جەر ءۇشىن، وسى مەملەكەت ءۇشىن ولۋگە ءəزىرمىن" دەسە دە قازاق بولماي ما؟" دەپ سۇراسام، ء"يا" دەپ جاتىر، مəسەلەن. بۇل دا دۇرىس ەمەس. قازاق ۇلتتىق ساناسى وزگەرىپ، شىنايى مەملەكەتشىلدىك، ۇلتشىلدىق دəرەجەسىنە كوتەرىلۋ كەرەك. قازاق بوپ تۋسا دا، ورىستان، نە قىتايدان بەتەر، جاۋدان دا جامان قازاعىمىز جوق ەمەس. سول ورىستان مىنانى دا ۇيرەنۋ كەرەك: ەڭ مىقتى دەگەن ساياساتكەرى، اقىنى، جازۋشىسى ورىس بولماعان. اراسىندا ءوز اعايىنىمىز دا بار، جارتى ەليتاسى تۇركى تەكتى بولعان. بىراق ءبəرىن باۋىرىنا باسىپ، ءوز مۇددەسىنە ورىستان بەتەر قىزمەت ەتكىزىپ، تۇعىرىنا كوتەرگەن. 

ەڭ كۇلگەنىم: ءبىر جىگىتتىڭ "قازاقتار سەپاراتيست بولۋى كەرەك" دەگەن ءسوزى. ياعني ءəلى دە وتارلى سانا. اعاتاي-اۋ قازاق ءوز ەلىندە وتىرىپ، كىمگە قارسى سەپاراتيست بولۋى كەرەك دەسەم ۇقپايدى. ونىڭ ويىنداعى سەپاراتيزم - ناعىز ۇلتشىلدىق ەكەن! بىراق ول دياسپورانىڭ، ۇلتتىق ازشىلىقتىڭ ساناسى مەن تىرلىگىنە قاتىستى دۇنيە ەكەنىن اقىرى مويىنداماي كەتتى.

قىسقاسى باسىمىزدا بوتقا، سانامىز اتالا. تەرميندەردەن باستاۋ كەرەك ەكەن. سوعان كەلىسسەك، باسقاسىنا كەلىسەرمىز دەپ ءتۇيدىم. كەيدە ايتىپ جۇرگەنىمىز ءبىر دۇنيە، بىراق تەرميندەرىمىز ەش جاراسپاي دا جاتادى ەكەن. 

ويلاناتىن مəسەلە كوپ شىنىمەن.

ايدوس سارىم

Facebook-تەگى پاراقشاسىنان