وڭتۇستىك قازاقستان وبلىسىنا جاساعان جۇمىس ساپارى اياسىندا پارتيا توراعاسىنىڭ ءبىرىنشى ورىنباسارى ايماقتاعى مەملەكەتتىك باعدارلامالار اياسىندا سالىنىپ جاتقان بىرقاتار الەۋمەتتىك نىسانداردىڭ قۇرىلىس جۇمىستارىمەن تانىستى.

ەڭ الدىمەن ساياسي ۇيىم باسشىلىعى «نۇرلى جول» باعدارلاماسى اياسىندا سالىنىپ جاتقان 5 قاباتتى تۇرعىن ءۇي قۇرىلىسىنىڭ جۇمىسىن ارالاپ كورىپ، مەردىگەر مەكەمەنىڭ باسشىسىنا قۇرىلىستىڭ ساپالىلىعىنا باسا نازار اۋدارۋ قاجەتتىگىن ايتتى.

شىمكەنت قالاسى «اسار»  شاعىن اۋدانىندا ورنالاسقان بۇل تۇرعىن ءۇي ەل تاۋەلسىزدىگىنىڭ 25 جىلدىق مەرويتويى قارساڭىندا پايدالانۋعا بەرىلەدى دەپ جوسپارلانۋدا. اتالعان 30 پاتەرلى كوپقاباتتى ءۇيدىڭ قۇرىلىسىن «Southern bilding group» جشس-ءسى جۇرگىزۋدە.

سونىمەن قاتار، ول اتالعان باعدارلاما  شەڭبەرىندە سالىنىپ جاتقان 1200 ورىندىق مەكتەپتىڭ قۇرىلىسىمەن تانىسىپ، وبلىستاعى مەملەكەتتىك باعدارلامالاردىڭ ورىندالۋىنا باقىلاۋدى كۇشەيتۋدى تاپسىردى. ەڭ باستىسى حالىق جۇمىسسىز قالماۋ قاجەتتىگىن ايتقان مۇحتار قۇل-مۇحاممەد «نۇرلى جول» باعدارلاماسىنا بيىل قازاقستاندا 770 ملرد. تەڭگە بولىنگەنىن اتاپ ءوتتى.

وڭىردەگى «نۇرلى جول» باعدارلاماسىنىڭ ورىندالۋىن بايانداعان وبلىس اكىمىنىڭ ءبىرىنشى ورىنباسارى د.ساتىبالدى وبلىستا 2016 جىلى قۇنى 20 197,7 ملن. تەڭگە بولاتىن 50 نىساننىڭ قۇرىلىسى جۇرگىزىلىپ  جاتقانىن ايتتى. ونىڭ ىشىندە 10 نىسان وتكەن جىلدان وتپەلى بولسا، 40 نىسانى جاڭا قۇرىلىس. اتاپ ايتار بولساق، 26 مەكتەپ، 1 بالاباقشا، 1 جاتاقحانا مەن 11 ينفراقۇرىلىم جانە 11 تۇرعىن ءۇي قۇرىلىستار.

ايتا كەتەيىك، اتالعان نىسانداردا قولدانىلىپ جاتقان قۇرىلىس ماتەريالداردىڭ باسىم بولىگى وتاندىق ءونىم.

Abai.kz