شىمكەنت قالاسىندا «توقىما ونەركاسىبىنە ارنالعان تاۋارلار مەن جابدىقتار – MACHTEX-2016» II قازاقستاندىق حالىقارالىق كورمەسى مەن فورۋمى وتۋدە.

ەكى كۇنگە جالعاساتىن حالىقارالىق كورمەنىڭ اشىلۋ سالتاناتىنا قاتىسقان وبلىس اكىمى ج.تۇيمەباەۆ «Machtex 2016» كورمەسى توقىما ونەركاسىبىنە ارنالعان قازاقستانداعى جالعىز مامانداندىرىلعان ءىس-شارا بولىپ تابىلاتىنىن ايتتى.

كورمەگە قازاقستان، يتاليا، قىتاي، قىرعىزستان، پولشا، رەسەي، تۇركيا، وزبەكستان جانە جاپونيا ەلدەرىنەن 50-دەن استام كومپانيا قاتىسۋدا.

«Machtex 2016» كورمەسىنىڭ قاتىسۋشىلارى توقىما ونەركاسىبىنە ارنالعان جابدىق، ماتا مەن ۇساق – تۇيەك زاتتار، ونەركاسىپ كومپانيالارىنا ارنالعان ارنايى كيىم، سەرۆيستىك قىزمەت كورسەتۋگە ارنالعان بىرىڭعاي فورمالار مەن مەكتەپ فورماسىن، ۇلتتىق كيىم، بالالار مەن ۇيگە ارنالعان توقىما جانە كىلەم ونىمدەرىن،  ەرلەر مەن ايەلدەرگە ارنالعان كيىم كەشەكتەر ۇسىنۋدا.

فورۋم اياسىندا قازاقستان رەسپۋبليكاسىندا جەڭىل ونەركاسىپتى دامىتۋدىڭ بولاشاعى مەن دامۋى  جايى جانە توقىما ونەركاسىبىنىڭ ينۆەستيتسيالىق الەۋەتىن ارتتىرۋعا ارنالعان تاجىربيەلىك جۇمىستار وتكىزىلەدى. اتالعان فورۋم جۇمىسىنا وسى سالانىڭ 2 مىڭنان استام ماماندارى قاتىسادى.

ايتا كەتەيىك، بۇگىنگى تاڭدا وڭتۇستىك قازاقستاندا 2 ءىرى كىلەم فابريكاسى مەن دايىن ءونىم شىعارۋدان شيكى ماقتا وسىرۋدەن ماتاعا دەيىنگى جابىق تسيكلىن جۇزەگە اسىراتىن «ازالا تەكستيل» فابريكاسى جۇمىس ىستەيدى. سونىمەن قاتار، وبلىستا شۇلىق شىعاراتىن جانە دايىن توقىما بۇيىمدارى مەن ارنايى كيىم تىگەتىن فابريكالار ىسكە قوسىلعان.

شىمكەنتتەگى «وڭتۇستىك» اەا-تا بۇگىندە قۇنى 27,8 ملرد. تەڭگە بولاتىن 10 جوبا جۇزەگە اسىرىلىپ، ناتيجەسىندە 2 مىڭنان استام ازامات جۇمىسپەن قامتىلدى. ال 2010-2015 جىلدار ىشىندە جەڭىل ونەركاسىپ ونىمدەرىنىڭ كولەمى 2 ەسەگە ءوستى. ياعني 11,2 ملرد.تەڭگەدەن  21,7 ملرد. تەڭگەگە دەيىن وسكەن.

Abai.kz