وڭتۇستىك قازاقستان وبلىسىنىڭ ورتالىعى - شىمكەنتتە «قازاقستاندا جۇزەگە اسىرىلاتىن ەڭ ۇزدىك الەۋمەتتىك جوبالار» كورمەسىنىڭ اياسىندا اتالعان بايقاۋدىڭ جەڭىمپازدارى ماراپاتتالدى.

قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ، «مەملەكەتتىك الەۋمەتتىك ساقتاندىرۋ قورى» اق-نىڭ ۇيىمداستىرۋىمەن وتكەن شاراعا  قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا، وبلىس اكىمى جانسەيىت تۇيمەباەۆ، پارلامەنت دەپۋتاتتارى مەن مەملەكەتتىك ورگانداردىڭ جانە قوعامدىق بىرلەستىكتەردىڭ وكىلدەرى قاتىستى.

مۇگەدەكتەردىڭ، جاسى ۇلعايعان ادامداردىڭ جانە حالىقتىڭ وزگە دە توبىنىڭ ءومىرىن جاقسارتۋعا نەگىزدەلگەن الەۋمەتتىك جوبالاردى قولداۋ – قر ءدسادم قىزمەتىنىڭ باسىم باعىتتارىنىڭ ءبىرى. 

شارادا ءسوز سويلەگەن قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا قازاقستاندا الەۋمەتتىك جوبالاردى جۇزەگە اسىرۋدىڭ كومەگىمەن ءومىردىڭ قيىندىقتارىنا تاپ بولعان 250 مىڭنان استام ازاماتقا، ونىڭ ىشىندە 100 مىڭنان استام شىن مانىندە كومەككە ءزارۋ ادامدارعا كومەك پەن قولداۋ كورسەتىلگەنىن اتاپ ايتتى.

ءوز كەزەگىندە ءسوز العان ايماق باسشىسى جانسەيىت قانسەيىتۇلى ەلىمىزدەگى مۇمكىندىگى شەكتەۋلى جانداردىڭ 17 %-دىق ۇلەسى وڭتۇستىك قازاقستان وبلىسىنا تيەسىلى ەكەنىن، ياعني بۇل ماسەلەلەردى رەتتەۋدە وڭىرگە ارتىلار جاۋاپكەرشىلىكتىڭ جوعارى ەكەنىن جەتكىزدى.

بيىلعى جىلى ايماقتىق كوميسسيا 178 ءوتىنىشتى قاراستىرىپ، 32 الەۋمەتتىك جوبا بايقاۋدىڭ ىرىكتەۋ كەزەڭىنىڭ جەڭىمپازدارى اتاندى.

قۇرامىنا مينيسترلىكتىڭ، باق-تىڭ وكىلدەرى، قر پارلامەنتىنىڭ دەپۋتاتتارى، قوعام قايراتكەرلەرى كىرگەن ىرىكتەۋ كوميسسياسىنىڭ مۇشەلەرى قر ءدسادم سايتىنداعى بەرىلگەن داۋىستاردىڭ ناتيجەسىن ەسەپكە الا وتىرىپ، ەلىمىزدىڭ بارلىق ايماقتارىندا جۇزەگە اسىرۋعا بولاتىن ەڭ ۇزدىك جوبالاردى انىقتادى.

اتاپ ايتقاندا، ءبىرىنشى ورىن «ونلاين سۋردواۋدارما قىزمەتى» الەۋمەتتىك جوباسىنىڭ اۆتورى الماتىلىق سەرگەي ماحاشەۆكە بەرىلسە، ەكىنشى ورىندى «كوكشەتاۋ قالاسىندا جانە كراسنىي يار اۋىلىندا تۇراتىن، قوزعالىستا قيىنشىلىق كورەتىن 1 توپتاعى مۇگەدەكتەرگە، 18 جاسقا دەيىنگى مۇگەدەك-بالالارعا ۇيدە ءپاللياتيۆتى كومەك كورسەتۋ ورتالىعىن ۇيىمداستىرۋ» الەۋمەتتىك جوباسى يەلەندى. ءۇشىنشى ورىنعا «ادام ساۋداسىنىڭ قۇرباندارىنا ارناۋلى الەۋمەتتىك قىزمەتتەر كورسەتۋ» الەۋمەتتىك جوباسىنىڭ اۆتورى، استانالىق تۇرعىن اننا رىل يە بولدى. 

جالپى، اتالعان جوباعا وڭتۇستىكتەن وبلىس دەڭگەيىندە 10 جوبا قاتىسىپ، ونىڭ 3-ءۋى رەسپۋبليكالىق دەڭگەيگە ىرىكتەلىپ، ۇسىنىلدى.

ەستەرىڭىزگە سالا كەتەيىك، «قازاقستاندا جۇزەگە اسىرىلاتىن ەڭ ۇزدىك الەۋمەتتىك جوبالار» كورمەسى 2013 جىلدان بەرى وتكىزىلىپ كەلەدى. ءۇش جىل قاتارىنان ەلوردادا وتكەن شارا بيىل ايماقتار اراسىنان وڭتۇستىك قازاقستان وبلىسىندا ءبىرىنشى بولىپ ۇيىمداستىرىلىپ، رەسپۋبليكالىق دەڭگەيدە ءوتىپ وتىر.

Abai.kz