ۇلتتىق كاسىبي مۋزىكا ونەرىمىزدىڭ قاراشاڭىراعى قازاقستاننىڭ ەڭبەك سىڭىرگەن ۇجىمى، دۇنيەجۇزىلىك جانە حالىقارالىق كونكۋرستاردىڭ لاۋرەاتى، «حالىقتار دوستىعى» وردەندى قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترى 2016 جىلدىڭ 23 قاراشاسى كۇنى تۇڭعىش رەت رەسپۋبليكا سارايىندا  قر تاۋەلسىزدىگىنىڭ 25 جىلدىق مەرەيتويىنا جانە الماتى قالاسىنىڭ 1000 جىلدىعىنا ارناعان «ۇلى دالا مۇراسى» اتتى مەرەكەلىك كونتسەرتىن وتكىزەدى.

قازاقستان رەسپۋبليكاسى تاۋەلسىزدىگىنىڭ 25 جىلدىق مەرەيتويى حالقىمىز ءۇشىن ەڭ باستى ءارى قۇندى مەرەكە.  تاۋەلسىز ەلىمىز شيرەك عاسىرعا جۋىق ۋاقىت ىشىندە بيىك بەلەستەردى باعىندىرىپ، تولاعاي جەتىستىكتەرگە قول جەتكىزدى. وركەستر ۇجىمى وسى كونتسەرتىن ەل تاريحىندا ورىن العان تاۋەلسىزدىك مەرەكەسىنە جانە مادەني استانامىز بولعان الماتى شاھارىنىڭ 1000 جىلدىعىنا ارناپ وتىر. ەكى بولىمگە قۇرىلعان كونتسەرتتىڭ شىمىلدىعى ءتول شىعارمالارمەن اشىلىپ، ەكىنشى ءبولىمى كلاسسيكالىق شىعارمالارمەن جالعاسىن تابادى. كونتسەرتتىڭ ەرەكشەلىگى تاۋەلسىزدىگىمىزدى جىرلايتىن ءان-كۇيلەرىمىزبەن قاتار، بۇرىن ورىندالماعان كلاسسيكالىق جانە زاماناۋي شىعارمالار قازاق وركەسترىمەن ورىندالادى.

 «ۇلى دالا مۇراسى» دەپ اتالاتىن 83-ءشى كونتسەرتتىك ماۋسىمنىڭ اشىلۋ سالتاناتىنا ءداستۇرلى انشىلىك مەكتەپتىڭ وكىلدەرى - نۇرجامال ۇسەنباەۆا، ساۋلە جانپەيىسوۆا، ەرلان رىسقالي، ءداستۇرلى كۇيشىلىك مەكتەپتىڭ وكىلدەرى - تۇرار الىپباەۆ، ءبىلال ىسقاقوۆ، باتىرجان مىقتىباەۆ، نۇرجان جانپەيىسوۆ، سابيرا بيباتىروۆا، حالىقارالىق كونكۋرستاردىڭ لاۋرەاتتارى - اقايشا جۇرباي، اسەل راقىمجان، فارحات كۋبيەۆ، دۋلات توقانوۆ، ازامات مالىشەۆ، گۇلنۇر كوشەنوۆا جانە ا.جۇبانوۆ اتىنداعى دارىندى بالالارعا ارنالعان مەكتەپ ينتەرناتىنىڭ بالالار حورى قاتىسادى.

وركەستردىڭ باس ديريجەرى، «دارىن» مەملەكەتتىك جاستار سىيلىعىنىڭ يەگەرى – ارمان جۇدەباەۆ، ديريجەر قازاقستاننىڭ ەڭبەك سىڭىرگەن قايراتكەرى - جاناس بەكەنتۇروۆ، قر مادەنيەت قايراتكەرى - جەكسەن ايسىن.

 كونتسەرتتى قر مادەنيەت قايراتكەرى تۇراربەك حايراليەۆ جانە قىمبات دوسجان جۇرگىزەدى.

رەسمي قولداۋشىلار: الماتى قالاسىنىڭ اكىمدىگى، الماتى قالاسى مادەنيەت باسقارماسى جانە «قازمەديا ورتالىعى».

قوسىمشا اقپارات الۋ ءۇشىن مىنا تەلەفوندارعا بايلانىسۋعا بولادى:

الماتى قالاسى، بوگەنباي باتىر كوشەسى 158, قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترى  8 (7272) 390-06-47, 87076316064.

abai.kz