ورداباسى اۋدانى ەكونوميكاسىنىڭ دامۋىنداعى شاعىن جانە ورتا بيزنەستىڭ ۇلەسى 35 % قۇرايدى. وندىرىلگەن ونەركاسىپ ءونىمىنىڭ كولەمى 12 ملرد. 555 ملن. 200 مىڭ تەڭگەگە جەتىپ، ناقتى كولەم يندەكسى 109,5 پايىزعا تۇراقتادى.

وسىلايشا وبلىس كولەمىندە اۋدان، قالا اراسىندا ورداباسى اۋدانى كوش باستاپ تۇر. بۇل تۋرالى اۋدان اكىمى الماسبەك مامىتبەكوۆ كاسىپكەرلەرمەن كەزدەسۋدە ايتتى. وسى سالاداعى جۇمىستاردى ودان ءارى دامىتۋ ماقساتىندا وتكەن جيىندا كاسىپكەرلىكتە كەزدەسەتىن تۇيتكىلدى ماسەلەلەر جايى قارالدى.

ونەركاسىپ سالاسىندا جۇيە قۇراۋشى لوكوماتيۆتى جوبالار ولار «ورداباسى-نان» جشس، «ورداباسى قۇس»، «ينفراستروي لتد»، «باتسۋ ۆودوكانال»، «اگرو-V»، «سەيتبەك اۋلەتى»، «شۇبار اسىل تۇقىم كەشەنى»، «وڭتۇستىك قىش» جانە «ستروي-يۋگ گرۋپپ» جشس-ءرى بولىپ كەلەدى.

«بيزنەستىڭ جول كارتاسى-2020» مەملەكەتتىك باعدارلاماسى اياسىندا وسى جىلدىڭ 9 ايىندا جالپى قۇنى 7 ملرد. 562 ملن. تەڭگەنى قۇرايتىن 8 جوبا ماقۇلداندى. ونىڭ ىشىندە سۋبسيديالاۋ جەلىسى بويىنشا جالپى قۇنى 879 ملن. تەڭگەگە 3 جوبا («باتسۋ ۆودوكانال» جشس، جك «جانىبەك سەمبەك»، جك «سەيتحان سەرىكقوجا»), ينفراقۇرىلىمدى دامىتۋ جەلىسى بويىنشا جالپى قۇنى 6 680 ملن. تەڭگەگە 4 جوبا («اكۆا تەرم» جشس، «MEB Co» جشس،«KAZMERBLOCK» «مەربلوك» جشس، «فەبستروي» جشس), گرانتتىق قارجىلاندىرۋ بويىنشا 3 ملن.تەڭگە بولاتىن 1 جوبا  ماقۇلدانعان.

جيىن بارىسىندا اتقارىلعان جۇمىستارمەن قاتار، كاسىپكەرلىكتى وڭتايلاندىرۋ بويىنشا جوسپارلار مەن ۇسىنىس-تىلەكتەر ايتىلدى.

Abai.kz